राजनीति

भित्र एमसीसी टेबल हुँदै गर्दा संसद् भवन बाहिर यस्तो देखियो [तस्बिरहरू]

निमेष जंग राई आइतबार, फागुन ८, २०७८ १५:२३

काठमाडौं– अन्तत: प्रतिनिधि सभाको बैठकमा अमेरिकी सहयता परियोजना मिलेनियम च्यालेन्ज कर्पोरेसन (एमसीसी)सँगको सम्झौता टेबल भएको छ। आइतबार बसेको प्रतिनिधि सभा बैठकमा सञ्चार तथा सूचना प्रविधिमन्त्री ज्ञानेन्द्रबहादुर कार्कीले उक्त सम्झौता टेबल गरे।
एमसीसीसँगको अनुदान सम्झौता २०७६ असार ३० गते प्रतिनिधि सभामा दर्ता भएको थियो। तर, दलहरूबीच सहमति नहुँदा टेबल भएको थिएन। आइतबार पनि एमालेको अवरोध र केही सांसदहरूको बिरोधकैबीच सम्झौता टेबल गरियो।

भित्र एमसीसी सम्झौता टेबल हुँदै गर्दा संसद् भवन बाहिर भनेर करिब करिब 'रणमैदान' बनेको थियो।

सत्तारूढ माओवादी केन्द्र र एकीकृत समाजवादीका युवा, विद्यार्थी र एमसीसीको विरोधमा रहेका राजनीतिक संगठनहरूले विरोध प्रदर्शन गरे। त्यसक्रममा अखिल क्रान्तिकारीकी अध्यक्ष पञ्चा सिंहसहित केही विद्यार्थी नेताहरू घाइते समेत भए।