काठमाडौं- आईसीसी पुरुष टी२० विश्वकप ग्लोबल छनोटअन्तर्गत घरेलु टोली ओमानविरुद्ध पहिले ब्याटिङ गरिरहेको नेपालले संकटमा परेको छ।
अल अमेरात क्रिकेट मैदानमा जारी खेलमा नेपाल सातौं विकेट पनि गुमाएपछि दबाबमा परेको छ। नेपालले सातौं विकेटको रूपमा कमलसिंह ऐरीलाई १ रनमा गुमाएको छ। उनलाई १७औं ओभरको दोस्रो बलमा खवार अलीले कश्याप प्रजापतिबाट क्याच आउट गराए।
त्यसअघि युवा ब्याट्सम्यान विवेक यादवलाई नेपालले गुमाएको थियो। उनी १० बलमा ७ रन बनाउँदै आउट भए। उनलाई १५औं ओभरको अन्तिम बलमा अवार अलिले नै फयाज बटबाट क्याच आउट गराएका थिए।
त्यसअघि खराब सुरूआतका बाबजुद इनिङ्स सम्हाल्न आएका लोकेश बम १७ बलमा १ छक्कासहित १६ रन बनाएर क्याच आउट भए। उनलाई खवार अलीले १३औं ओभरको दोस्रो बलमा कलिमुल्लाहबाट क्याच आउट गराए।
त्यसअघि नेपालका लागि दीपेन्द्रसिंह ऐरीले ११ रन बनाएर आउट भए। १८ बलमा १ चौका प्रहार गरेका उनलाई जिसन मकसुदले आठौं ओभरको तेस्रो बलमा अगाडि बढेर खेल्ने क्रममा आउट गरेका थिए।
यता, पूर्वकप्तान ज्ञानेन्द्र मल्ल १५ रनमा आउट भए। १५ बलमा २ चौका प्रहार गरेका उनलाई फयाज बटलले छैटौं ओभरको अन्तिम बलमा आउट गरे।
त्यसअघि नेपालले दोस्रो विकेटको रूपमा कुशल भुर्तेलको विकेट गुमाएको थियोे। ८ बलमा १ चौकनसहित ५ रन बनाएका कुशललाई ओमानका बिलाल खानले धरापमा पारेका हुन्।
उनले आफ्नो दोस्रो ओभरमा कुशलको विकेट लिए। उनले नै कुशलको ओपनिङ जोडी आसिफ शेखको विकेट लिएका थिए। ५ बल खेलेका आसिफ १ चौका प्रहार गरेर आउट भए। ओमानका बिलाले पहिलो ओभरमै आसिफको विकेट लिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768395492.png)
-1768391713.png)
-1764146706.png)
