काठमाडौं- आइतबार श्रीलंकाविरुद्धको खेलमा फिल्डिङ गर्ने क्रममा अस्ट्रेलियन ब्याट्सम्यान स्टिभ स्मिथ घाइते भएका थिए। जसका कारण उनले बाँकी टी–२० सिरिजका खेल गुमाउने भएका छन्।
सिड्नी क्रिकेट ग्राउन्डमा दोस्रो इनिङ्सको अन्तिम ओभरमा ६ रन बचाउने क्रममा स्मिथको टाउकोमा चोट लागेको क्रिकेट अस्ट्रेलिया (सीए)ले खेलपछि पुष्टि गरेको छ। उनलाई आगामी केही दिनसम्म मेडिकल टोलीको निगरानीमा राखिनेछ।
यसैगरी, सीएले एक साताभित्र पूर्णरुपमा निको हुने आशा पनि व्यक्त गरेका छ। तर, उनी क्यानबेरा र मेलबर्नमा हुने खेलमा भने उपलब्ध हुने छैनन्। सीएको पुष्टिले पनि स्मिथको स्थानमा अन्य कुनै खेलाडीलाई टोलीमा समावेश नगरेको स्पष्ट बुझ्न सकिन्छ।
अन्तिम ओभरमा स्मिथ डिप मिडविकेटमा फिल्डिङ गरिरहेका थिए, जब महेश टिक्सनले मार्कस स्टोइनिसको तेस्रो बलमा प्रहार गरेका थिए।
स्मिथले बललाई क्याच गर्न दायाँतिर डाइभ गरे र बललाई बाउन्ड्री रेखाभन्दा बाहिर जान नदिने प्रयास गरे। तर, यो प्रयासमा उनी सफल हुन सकेनन् र उनको टाउको पनि भुइँमा ठोक्कियो ।
त्यपछि स्मिथ असहज देखिन्थे। तुरुन्तै चिकित्सक टोली उपचार थाल्यो। चोट त्यति गहिरो भने थिएन र उनी आफै मैदानबाट बाहिर निस्किए। त्यसपछि उनी सुपर ओभरमा फिल्डिङ गर्न आएनन्।
यस खेलमा उत्कृष्ट बलिङका लागि जोश हेजलवुडलाई ‘प्लेयर अफ द म्याच’ घोषित गरियो। खेलपछि उनले पनि स्मिथ ठीक रहेको पुष्टि गरे।
‘जब कोही ड्राइभ गर्छन् र तुरुन्तै उठ्दैन, यो सधैं चिन्ताको विषय हो। उनी ठिक छन्, त्यसैले राम्रो लागिरहेको छ,’ हेजलवुडले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798465.jpg)
-1787832829.png)
-1786602170.png)
-1786513116.png)
