काठमाडौं- ह्याप्पी आवर प्रालिलाई पर्यटकको मनोरञ्जनका लागि आधुनिक उपकरणको माध्यमबाट मात्र खेलाइने व्यावसायिक खेल सञ्चालनका लागि दिएको अनुमति संस्कृति, पर्यटन तथा नागरिक उड्डयनमन्त्री प्रेमबहादुर आलेले खारेज गरिदिएका छन्।
उनले मन्त्रीस्तरीय निर्णयबाट बुधबार अनुमति खारेज गरिदिएका हुन्। उक्त होटलले सरकारलाई बुझाउनुपर्ने रोयल्टी, इजाजतपत्र नवीकरण दस्तुरलगायत नबुझाएका कारण इजाजतपत्र खारेज गरिएको पर्यटन विभागले प्रहरी प्रधान कार्यालयलाई पठाएको पत्रमा उल्लेख छ। विभागले उक्त खेल बन्द गराउन आवश्यक व्यवस्था गर्न भन्दै आजै प्रहरी प्रधान कार्यालयलाई पत्र पठाएको छ।
ह्याप्पी आवरले सरकारलाई आर्थिक वर्ष २०७६/७७ सम्मको बक्यौता, आव २०७८/७९ को इजाजत नवीकरण दस्तुर तथा रोयल्टीसमेत गरी ३८ करोड १० लाख ४५ हजार ६६४ रुपैयाँ बुझाउन बाँकी रहेको पत्रमा उल्लेख छ।
साथै, होटलले नेपालगञ्ज उपमहानगरपालिका-१० स्थित ड्रिमल्याण्ड होटल प्रालिमा विभागबाट वर्गीकरणसमेत नगराइ तथा अनुमति नलिइ आधुनिक मेसिन वा उपकरणबाट मात्र खेलाइने खेल खेलाइएको भन्दै होटल तथा खेल सञ्चालन बन्द गराउन प्रहरी प्रधान कार्यालयलाई आग्रह गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787800966.jpg)
-1786602170.png)
-1786513116.png)
