काठमाडौं- अफ्रिका कप अफ नेसन्स फुटबलको उपाधि सेनेगलले जितेको छ। आइतबार राति सम्पन्न फाइनल खेलमा इजिप्टलाई पेनाल्टी सुटआउटमा पराजित गर्दै सेनेगलले उपाधि जितेको हो।
निर्धारित ९० मिनेट र अतिरिक्त समय गोलरहित बराबरीमा सकिएपछि खेल पेनाल्टी सुटआउटमा पुगेको थियो। पेनाल्टी सुटआउटामा सेनेगल ४-२ ले विजयी भयो। पेनाल्टीमा सेनेगलका साडियो माने, बाम्बा डिङ, अब्डोउ डिआलो र कालिडोउ कुलीबालीले गोल गरे भने बोउना सार गोल गर्न असफल रहे।
इजिप्टका मोहनद लासहेन र मोहमद अब्देलमोनेम पेनाल्टीमा चुकेका थिए भने अहमेद सायद र मार्वान हाम्दीले गोल गरे।
खेल अतिरिक्त समय हुँदै पेनाल्टीमा पुग्नु अघि दुबै टोलीले केही अवसरलाई सदुपयोग गर्न सकेका थिएनन्।
खेलको सुरुमै सेनेगलका साडियो माने पेनाल्टीमा चुकेका थिए। उनको प्रहार इजिप्टका गोलकिपर मोहमद अबुगाबलले बचाएका थिए। सेनेगलले पहिलो पटक अफ्रीका कप अफ नेसन्सको उपाधि जितेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
