भरतपुर– चितवनमा पिकअप (मारुती) भ्यान र टिपर एकआपसमा ठोक्किँदा २ जनाको मृत्यु भएको छ।
भरतपुर महानगरपालिका-२९ पन्ध्र किलोस्थित सडकमा बा ११ च ५७८८ नम्बरको मारुती भ्यान र लु २ ख १७०१ नम्बरको टिपर एकआपसमा ठोक्किँदा भ्यानमा सवार २ जनाको मृत्यु भएको हो।
मृत्यु हुनेहरूमा धादिङ गल्छी गाउँपालिका-१ बस्ने ३६ वर्षीया निशा वली र उनकै छोरा ९ वर्षीय निमेश ढुङ्गाना रहेका छन्।
भ्यानमा चालक ३५ वर्षीय राजकुमार ढुङ्गानासहित परिवारका ४ जना सदस्य सवार थिए। दुर्घटनामा परेर चालक ढुङ्गाना र उनकी सासुआमा ५८ वर्षीय धिर माया वली घाइते भएका छन्।
दुर्घटनामा परेका उनीहरुलाई उद्धार गरी उपचारको लागि नयाँ मेडिकल कलेज भरतपुरतर्फ पठाउने क्रममा निमेशको बाटोमै र निशाको अस्पतालमा उपचारको क्रममा मृत्यु भएको जिल्ला प्रहरी कार्यालय चितवनले जानकारी दिएको छ।
घाइते भएका चालक ढुङ्गाना र उनकी सासुआमा वलीको सोही अस्पतालमा उपचार भइरहेको छ।
टिपर चालकलाई नियन्त्रणमा लिएर दुर्घटनाका सम्बन्धमा थप अनुसन्धान भइहेको जिल्ला प्रहरी कार्यालय चितवनले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
