किसान आन्दोलनमा हस्तक्षेप भएकोप्रति मधेशी आयोगको ध्यानाकर्षण

समाचार

नेपाल लाइभ आइतबार, माघ १६, २०७८ १८:४९

काठमाडौं- मधेशी आयोगले तराई-मधेशका विभिन्न ठाउँमा जारी किसानहरुको आन्दोलनमा राज्यबाट बल प्रयोग भएकोप्रति गम्भीर ध्यानाकर्षण भएको जनाएको छ।

आयोगले आइतबार विज्ञप्ति जारी गरी शान्तिपूर्ण आन्दोलनमा बल प्रयोग गर्नु मानवअधिकारको उल्लंघन भएको बताएको छ।

'विगत केही दिनदेखि तराई-मधेशका विभिन्न ठाउँमा किसानहरुको आन्दोलन चलिरहेको र सो आन्दोलनमा राज्यद्वारा बल प्रयोग गरिएकोसम्बन्धी आयोगमा उजुरीहरु प्राप्त भएको र सो उजुरीहरुमाथि आयोगको गम्भीर ध्यानकर्षण भएको छ। राज्यले संयमित भएर समाधानार्थ कार्य गर्नुपर्ने र शान्तिपूर्ण आन्दोलनमा बल प्रयोग गर्नु मानवअधिकारको उल्लंघन रहेको आयोगको ठहर छ,' आयोगद्वारा जारी विज्ञप्तिमा उल्लेख छ।

आयोगले उक्त आन्दोलनबारे स्थलगत अनुगमनका लागि आयोगका सदस्यहरु जिवछ साह, रेणुदेवी साह र विजय गुप्तालाई जिम्मेवारी सुम्पिएको जनाएको छ। स्थलगत अनुगमनको प्रतिवेदन प्राप्त हुनासाथ आयोगले यथाशीघ्र बैठक बसी आवश्यक प्रक्रिया अगाडि बढाउने विज्ञप्तिमा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी