काठमाडौं- सत्ता गठबन्धनमा स्थानीय तहको निर्वाचन जेठभित्र गर्ने सहमति जुटेसँगै सेयर बजारमा उत्साह छाएको छ। चुनाव पछाडि सर्ने हल्लाले गत साता निरन्तर ओरालो लागेको सेयर बजार यो साताको पहिलो कारोबार दिन आइतबार १०५.५५ अंकले बढेर २८८५.५३ बिन्दुमा उक्लिएको छ।
गत साता पाँच कारोबार दिनमा समग्र नेप्से परिसूचकमा १५१.६१ अंकले गिरावट आएको थियो। आज समग्र नेप्से ३.८ प्रतिशतले बढेको छ। आज ठूला कम्पनीहरुको कारोबार मापन गर्ने सेन्सेटिभ परिसूचक पनि १९.८१ अंकले बढेर ५३८.५३ बिन्दुमा पुगेको छ।
गत साताको अन्तिम कारोबार दिन बिहिबारको तुलनामा आज सेयर कारोबार रकम पनि बढेको छ। बिहिबार तीन अर्ब ३४ करोड ३४ लाख १३ हजार रुपैयाँमा सीमित भएको कारोबार आज छ अर्ब ३२ करोड ४२ लाख ७४ हजार रुपैयाँ पुगेको छ। आज १३ वटै उपसमूहका परिसूचक उकालो लागेका छन्।
आज सबैभन्दा धेरै विकास बैंक उपसमूहको सेयर मूल्य उकालो लागेको छ। यस समूहको सेयर मूल्य आज ६.५६ प्रतिशतले बढेको छ।
यसैगरी आज लगानी समूहको सेयर मूल्य ६.३६ प्रतिशत र फाइनान्स समूहको सेयर मूल्य ६.३४ प्रतिशतले बढेको नेपाल स्टक एक्सचेन्ज (नेप्से)ले जानकारी दिएको छ। नेप्सेमा आज कूल २३१ वटा कम्पनीका एक करोड २१ लाख ५५ हजार ४३२ कित्ता सेयर खरिद-बिक्री भएका छन्।
आज कारोबारमा आएका छ कम्पनीको सेयर मूल्यमा सकारात्मक सर्किट लागेको छ। आज सबैभन्दा धेरै अपी पावर कम्पनी र नेपाल दूरसञ्चार कम्पनीको सेयर खरिद-बिक्री भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775726195.png)
-1775721641.jpg)
-1764146706.png)
