काठमाडौं- बंगलादेशसँगको पश्चिम बंगालको सिमानामा हुने घुसपैठ र गाईवस्तुको तस्करी रोक्न भारतीय सीमा सुरक्षा बल (बीएसएफ)ले बार लगाएको छ।
बंगालको बंगलादेशसँग २ हजार २१७ किलोमिटर लामो सीमाना छ। जसमध्ये ९३६ किलोमिटर उत्तर बंगालमा छ। यसमध्ये करिब ११० किलोमिटर क्षेत्रमा अहिलेसम्म तारबार लगाउन सकेको छैन।
यसको ५४ किलोमिटर भाग नदीहरूसँग जोडिएको छ। बीएसएफका एक अधिकारीले भने,‘काँडे तारको बार लगाइए पनि घुसपैठ, अपराधी र तस्करहरू सीमा काटेर वा चढेर सीमा पार गर्छन्। तर, अब नयाँ तारबार लगाएपछि यो सम्भव छैन। यसले अपराध नियन्त्रण गर्न मद्दत गर्नेछ।’
बीएसएफका आईजी ९उत्तर बङ्गाल फ्रन्टियर० अजय सिंहले अहिलेसम्म करिब २० किलोमिटरमा नयाँ बार लगाइएको जानकारी दिए।
‘पहिलाको बार पुरानो थियो, यसलाई बदलेर थप बलियो बार लगाइँदैछ। करिब २० किलोमिटरमा नयाँ बार लगाइएको छ। यसलाई काट्न सकिँदैन। चढ्न पनि सकिँदैन। यो किफायती र दिर्घकालिन छ,’ उनले भने।
बीएसएफका अनुसार पुरानो बारलाई बदलेर नयाँ तार लगाउने काम भइरहेको छ। यसबाहेक अहिलेसम्म तारबार नभएका क्षेत्रमा मात्रै यो नयाँ बार लगाइनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
