सांकेतिक तस्बिर
काबुल- अफगानिस्तानको दक्षिणी हेलमान्द प्रान्तमा भएको बम विष्फोटमा तीन जना घाइते भएको पजवोक अफगान समाचारले जनाएको छ।
एक अधिकारीलाई उद्धृत गर्दै समाचार आउटलेटले शुक्रबार जनाएअनुसार प्रान्तको नाद अली जिल्लामा विष्फोटमा तीन जना सर्वसाधारण घाइते भएका छन्। जनवरी २२ मा पश्चिमी अफगानिस्तानको हेरात सहरमा भएको विष्फोटमा सात जनाको मृत्यु हुनुका साथै नौ जना घाइते भएका थिए।
हेरात प्रान्तको राजधानी पीडी१२ मा एउटा मिनीबसमा बम विष्फोट भएको टोलो न्यूजले जनाएको छ। मृत्यु हुनेमा चार जना महिला रहेको प्रतिवेदनमा उल्लेख छ।
त्यसअघि पूर्वी नान्गाहार प्रान्तको लालपोरा क्षेत्रमा ग्यास ट्यांकी विष्फोट हुँदा नौ बालबालिकाको मृत्यु हुनुका साथै चार जना घाइते भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
