काठमाडौं- कञ्चनपुर उद्योग वाणिज्य संघले स्थापना भएको ३९ वर्षपछि पहिलोपटक स्थापना दिवस मनाएको छ। शुक्रबार एक औपचारिक कार्यक्रमकाबीच संघले आफ्नो प्रथम स्थापना दिवस मनाएको हो।
उक्त अवसरमा संघले कोरोना भाइरस रोकथाम र नियन्त्रणका लागि विभिन्न सार्वजनिक स्थानलगायतका ठाउँमा मास्क वितरण गरेको छ। यस्तै वेदकोट नगरपालिका-८ रौटेलामा रहेको वैजनाथ धाम ज्येष्ठ नागरिक सेवा केन्द्रमा आश्रित वृद्धवृद्धाहरुका लागि न्यानो लुगा वितरण गरेको छ।
संघका अध्यक्ष जंगबहादुर मल्लले वृद्धाश्रममा जाडोबाट बच्नका लागि आवश्यक कम्मललगायतका लुगाकपडा उपलब्ध गराइएको बताए। त्यहाँ संघले फलफूललगायतका सामग्री पनि प्रदान गरेको छ।
कञ्चनपुर जिल्लाका प्रमुख जिल्ला अधिकारी रामप्रसाद पाण्डेको प्रमुख आतिथ्यमा आयोजना गरिएको कार्यक्रममा उद्योगी व्यवसायी, नागरिक समाजका प्रतिनिधि लगायतको सहभागिता रहेको थियो। २०३९ सालमा स्थापना भएको संघले विभिन्न सामाजिक कार्यमा सहयोग गर्दै आइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787755120.jpg)
-1786602170.png)
-1786513116.png)
