काठमाडौं- राष्ट्रिय सभाको आजको मतदान शान्तिपूर्ण भएको निर्वाचन आयोगले जनाएको छ। आयोग प्रवक्ता शालिग्राम शर्मा पौडेलले मतदान शान्तिपूर्ण र उत्साहजनक ढंगले सम्पन्न भएको प्रतिक्रिया दिए।
आयोगले बिहान ९ बजेदेखि दिउँसो ३ बजेसम्मका लागि मतदानको समय तोकेको थियो। विस्तृत विवरण केही बेरमा सार्वजनिक हुने पौडेलले बताए।
१९ पदका लागि सातै प्रदेशमा भएको मतदानमा ४३ जना प्रतिस्पर्धी थिए। सत्ता गठबन्धनले साझा उम्मेदवार उठाएका थिए। एमाले र लोकतान्त्रिक समाजवादीले प्रदेश २ मा गठबन्धन गरेका थिए। अन्यत्र एमाले एक्लै उभिएको छ।
२०७४ सालमा भएको निर्वाचनबाट निर्वाचित सांसदहरुमध्ये २० जनाको कार्यकाल ४ वर्षे कायम भएको थियो। तीमध्ये १९ जनाको स्थान पूर्तिका लागि आज मतदान भएको हो। एक जना भने राष्ट्रपतिले मनोनित गर्नेछिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
