माइ पेबाट हवाई टिकट बुकिङ गर्दा १ हजारसम्म क्यासब्याक

कर्पोरेट

नेपाल लाइभ बुधबार, माघ ५, २०७८ १२:३०

काठमाडौं- माइ पे डिजिटल वालेटले आन्तरिक हवाई टिकट बुकिङ सेवा सुरु गरेको छ।

यस सुविधाअन्तर्गत नेपालभित्र कुनै पनि गन्तव्यका लागि माइपे वालेटमार्फत् हवाई टिकट बुकिङ गर्दा अधिकतम १ हजार रुपैयाँसम्म र न्यूनतम ५ प्रतिशत 'क्यासब्याक' प्राप्त गर्न सकिने कम्पनीले जानकारी दिएको छ।

कम्पनीले यो योजना अन्य कुनै पनि माध्यमबाट टिकट बुकिङमा पाइने क्यासब्याकभन्दा धेरै रहेको दाबी गरेको छ।

हाल माइ पे वालेटमार्फत् आन्तरिक एयरलाइन्सका टिकट बुकिङ गर्दा तीन हजार रुपैयाँसम्मको टिकट बुकिङमा सात प्रतिशत र तीन हजार रुपैयाँभन्दा माथिको टिकट बुकिङमा सात प्रतिशत क्यासब्याक प्राप्त गर्न सकिने जनाएको छ। साथै, हरेक दिन माइ पेमार्फत् टिकट बुकिङ गर्नेमध्ये भाग्यशाली तीन जनालाई अतिरिक्त १० प्रतिशत क्यासब्याकसमेत प्राप्त गर्न सकिने जनाइएको छ।

यो योजना सीमित अवधिका लागि रहेको माइ पेले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित

पोखरा महानगरका करार कर्मचारी नहटाउन उच्च अदालतको आदेश