इनरुवा– सुनसरीको सीमावर्ती गाउँ चिमडीको बर्जु महोत्सवमा दर्शकहरुले आगजानी गरेका छन्। महोत्सवमा प्रस्तुती दिन भनेर आउने भनिएका भारतीय कालाकार नआएको भन्दै आक्रोशित दर्शकले स्टेज र गाडीमा आगजनी गरेका हुन्।
जिल्ला सदरमुकाम इनरुवादेखि २२ किलोमिटर दूरीमा रहेको बर्जु गाउँपालिका–६ चिमडीको बर्जु तालमा भारत (भोजपुरी) स्टार खेसारीलाल यादव आउने भनेर प्रचारप्रसार गरिएको थियो। तर, यादव कार्यक्रममा नआएपछि आक्रोशित भएका दर्शकले मञ्च र केही गाडीमा आगजनी गरेका हुन्।
बिहानैबाट टिकट काटेर प्रवेश गरेको, तर कलाकार यादव नआउने भएपछि दिउँसो दर्शकले आगजनी गरेका महोत्सवमा सहभागीहरुले जनाएका छन्।
आगजनीबाट भारतीय नम्बर प्लेट भएका ४ वटा स्कारपियो जलेका छन्। भोजपुरी सुपर स्टार कलाकारलाई हेर्न स्थानीय दर्शक बिहानैदेखि २०० र ३०० रुपैयाँको टिकट काटेर महोत्सवमा बसेका थिए।
सुनसरीका प्रमुख जिल्ला अधिकारी इन्द्रदेव यादवले घटनाको विषयमा अनुसन्धान भइरहेको जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791212224.jpg)
-1786602170.png)
-1791090469.jpeg)
