आँचल कुँवर बनिन् दराज नेपालको पहिलो महिला प्रबन्ध निर्देशक

कर्पोरेट

नेपाल लाइभ मंगलबार, माघ ४, २०७८ १७:२०

काठमाडौं- अनलाइन बजार दराज नेपालले आँचल कुँवरलाई पहिलो महिला प्रबन्ध निर्देशकको रूपमा नियुक्त गरेको छ। दराजका सीईओ बियार्के मिक्केलसेनले सामाजिक सञ्‍जाल लिन्क्डइनमार्फत् कुँवरको नियुक्ति घोषणा गरेका हुन्।

'नेपाली जनताका लागि विश्वस्तरीय अनलाइन सपिङ अनुभव सिर्जना गर्ने धेरै प्रतिभाशाली पेसेवरहरूको समूहको नेतृत्व गर्ने यो अवसरको लागि म विशेषाधिकार र सम्मानित महसुस गर्छु। नेपाली ई-कमर्स उद्योगमा दराजको द्रूत वृद्धि र प्रभाव टाढाबाट पनि स्पष्ट देखिन्छ,' नवनियुक्त प्रबन्ध निर्देशकमा कुँवरले भनिन्, 'यसरी, म दराज नेपाललाई घरायसी नाम र हाम्रा सबै ग्राहकहरूको किनमेल आवश्यकताहरूको लागि वान-स्टप समाधानको रूपमा स्थापित गर्न भाग लिन पाउँदा धेरै उत्साहित महसुस गर्छु। डरजियनको रूपमा, हामी हाम्रो बलियो मूल्यमान्यताहरू र कमर्सको शक्तिमार्फत् हाम्रा समुदायहरूलाई उत्थान गर्ने उद्देश्यमा लाग्ने कार्य जारी राख्नेछौं।'

नेपालमा जन्मिएकी कुँवरले कार्लसन स्कूल अफ म्यानेजमेन्टबाट एमबीए, गणित र अर्थशास्त्रमा सेन्ट क्लाउड स्टेट युनिभर्सिटी मिनेसोटाबाट बीएस सकाएर १३ वर्ष यूएस कर्पोरेट क्षेत्रमा काम गरेकी छिन्। यो अवधिमा उनले कार्लसन वागोनलिट ट्राभल र ई-कमर्स अग्रगामी, अमेजन जस्ता विभिन्न कम्पनीहरूमा काम गरिन्। उनले स्वीडेन, पोल्याण्ड, साउदी अरब र इजिप्ट जस्ता नयाँ बजारहरूमा कम्पनी स्थापना गर्न सहयोग गरेकी थिइन्।

अमेरिकामा लामो र सफल करिअरपछि कम्पनीले नयाँ चरणमा प्रवेश गरेको बेला आँचलले दराज नेपालको नेतृत्व सम्हालेकी छन्। यही समय कम्पनीको रिब्रान्डिङसमेत हुँदै छ। यससँगै, दराजका सबै अपरेटिङ देशहरूमा अब स्वदेशी प्रबन्ध निर्देशक (एमडी)हरू रहेको कम्पनीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित

पोखरा महानगरका करार कर्मचारी नहटाउन उच्च अदालतको आदेश