काठमाडौं– राष्ट्रिय बास्केटबल लिगमा ८ क्लबले प्रतिस्पर्धा गर्ने भएका छन्। नेपाल बास्केटबल संघले टर्नपाइक इभेन्ट प्रालिलाई आयोजना गर्न दिएको प्रतियोगिताको मिति भने तोकिएको छैन।
आयोजक टर्नपाइकले नेपालमा पहिलोपटक बास्केटबलको फ्रेन्चाइज लिग हुन लागेको दाबी गरेको छ।
टर्नपाइकका अनुसार प्रतियोगितामा सहभागी हुने ८ क्लबलाई लाइसेन्स अनिवार्य गरिएको छ। लाइसेन्स वितरण गरेबापत आउने रकमको ४० प्रतिशत रकम बास्केटबल संघलाई बुझाइने आयोजकले जनाएको छ।
आयोजका अनुसार ती ८ पुरूष क्लबले काठमाडौं, ललितपुर, कीर्तिपुर, पोखरा, भक्तपुर, धरान, विराटनगर, चितवन र बुटवल/धनगढीका सहरको प्रतिनिधत्व गर्नेछन्।
त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा हुने प्रतियोगितामा क्लबहरूले टिममा १० नेपाली र दुई विदेशी गरी १२ खेलाडी राख्न पाउनेछन्। त्यस्तै, मुख्य प्रशिक्षक र सहायक प्रशिक्षकसहित फिजियो र व्यवस्थापक राख्नुपर्नेछ।
प्राविधिक पक्षको जिम्मा लिएको नेपाल बास्केटबल संघले व्यावसायिक खेलाडी र प्रशिक्षक दर्ता गर्ने आयोजकले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768546075.png)
-1768545809.png)
-1768545628.gif)
-1764146706.png)
-1768395492.png)
