काठमाडौं– इटालियन सिरी ‘ए’ मा एसी मिलानले सहज जित निकालेको छ। मिलानले १० खेलाडीमा समेटिएको घरेलु टोली भेनेजियालाई ३–० ले पराजित गरेको हो।
मिलानको जितमा थियो हर्नान्डेजले दुई तथा ज्लाटन इब्राहिमोभिचले एक गोल थपे। खेलको दोस्रो मिनेटमा नै ज्लाटनको गोलबाट मिलानले सुरुवाती अग्रता लिएको थियो। उनले राफयल लियोको पासमा गोल गरेका थिए।
खेलको ४८औं मिनेटमा थियो हर्नान्डेजले लियोकै पासमै गोल गर्दै मिलानको अग्रता दोब्बर पारे। ५८औं मिनेटमा घरेलु टोली १० खेलाडीमा समेटियो। माइकल स्वोबोडा सिधै रातो कार्ड खाँदै मैदानबाट बाहिरिएका थिए। त्यसमै प्राप्त पेनाल्टीमा थियो हर्नान्डेजले गोल गर्दै टोलीको जित पक्का गरे।
जितसँगै मिलान २१ खेलबाट ४८ अंक जोडेर शीर्षस्थानमा उक्लिएको छ । मिलानले दुई खेल कम खेलेको इन्टर मिलानलाई २ अंकले पछि पारेको हो। पराजित भेनेजिया १७ अंक जोडेर १६औं स्थानमा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790835365.png)
-1786602170.png)
