प्रतिकात्मक तस्बिर
धनगढी– सुदूरपश्चिम प्रदेशमा कोरोना भाइरसका संक्रमितको संख्या दोब्बरले बढेको छ। बिहीबार एकैदिन १२० जनामा सङ्क्रमण पुष्टि भएको छ।
यसअघि बुधबार ५५ जनामा मात्रै सङ्क्रमण देखिएको थियो। गएको २४ घण्टामा प्रदेशभर पीसीआर र एन्टिजेन विधिबाट एक हजार ३६८ को नमूना परीक्षण गर्दा १२० जनामा सङ्क्रमण पुष्टि भएको स्वास्थ्य निर्देशनालयले जनाएको छ।
पीसीआरमार्फत १२ र एन्टिजेनमार्फत १०८ जनामा पुष्टि भएको हो। पीसीआरमार्फत महाकाली अस्पतालमा १० र सेती प्रादेशिक अस्पतालमा दुई र एन्टिजेनमार्फत कञ्चनपुरका ६०, कैलालीका ४७ र बैतडीका १ जनामा सङ्क्रमण पुष्टि भएको छ।
गएको २४ घण्टामा प्रदेशभर ६ जना संक्रमित संक्रमण मुक्त भएका छन्। उक्त अवधिमा यस प्रदेशमा सङ्क्रमणका कारण कसैको मृत्यु भएको विवरण प्राप्त नभएको निर्देशनालयले जानकारी दिएको छ।
यसअघि बुधबार प्रदेशभर ५५ जनामा सङ्क्रमण पुष्टि हुँदा ५ निको भएका थिए। सुदूरपश्चिममा सङ्क्रमणका कारण हालसम्म ६१४ को ज्यान गइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749367495.jpg)
