अनमोल स्मृति पुरुष खुला बास्केटबल : टाइम्सलाई सफलता

अन्य

नेपाल लाइभ सोमबार, पुस १९, २०७८ १८:५९

काठमाडौं- टाइम्सले प्रथम अनमोल स्मृति पुरुष खुला बास्केटबल प्रतियोगितामा सोमबार जित हात पारेको छ।

चण्डोलस्थित विशाल मिलन केन्द्र (बिएमके) को कोर्टमा टाइम्सले बिएमकेलाई ९५-७४ ले पराजित गर्यो। टाइम्सको जितमा मनीष केसीले २६ अंक योगदान गरे।

दोस्रो क्वाटरमा १७-१९ को झीनो अन्तरले पछि परेको टाइम्स बाँकीमा भने अगाडि रह्यो। टाइम्सले पहिलोमा २६-१२, तेश्रोमा २७-२२ र चौथोमा २५-२१ को अग्रता लिएको थियो।

अर्को खेलमा विराज राणाको १८ अंक सहयोगमा गोड्सले स्कल क्यान्डीलाई ६५-५० ले हरायो। चौथो तथा अन्तिम क्वाटरमा गोड्सले जितको महत्वपूर्ण आधार खडा गर्यो। त्यसमा गोड्सले २५-९ को अग्रता बनाएको थियो। सुरुका तीन क्वाटरमा गोड्सले क्रमशः १२-१३, १२-२१ र १६-१५ को प्रदर्शन गर्यो। गोड्स र स्कलले समान २-२ खेल खेलेका छन्। दुवैले समान १-१ जित/हार आत्मासात् गरेका छन्।

अघिल्लो दिन आइतबार गोड्स रोयल बास्केबलसँग पराजित भएको थियो भने स्कलले क्याम्पियनलाई हराएको थियो। शिव सेना नेपाल, ललितपुरको आयोजनामा भइरहेको प्रतियोगिताअन्तर्गत मंगलबार ३ खेल हुने छ। बिएमके र कीर्तिपुर बास्केटबल, टाइम्स र गोल्डेनगेट तथा रोयल र क्याम्पियनबीच खेल हुने छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजको मौसमः देशभर सामान्य बदली, केहि सिमिति क्षेत्रमा वर्षाको सम्भावना

पृथ्वीबाट खर्बौँ माइल टाढा रहेको ग्रहमा जीवन भएको 'आशालाग्दो सङ्केत'

तीन प्रतिष्ठानका रेक्टर र पोखराका डिनले पाए निमित्त उपकुलपतिको जिम्मेवारी