राजविराज- मोटरसाइकल दुर्घटनामा परी सप्तरीमा दुई जनाको मृत्यु भएको छ।
कञ्चनपुर-फत्तेपुर भित्री सडकखण्डअन्तर्गत सप्तरीको सप्तकोशी नगरपालिका-४ तुलसी टोलमा आज दुईवटा मोटरसाइकल एकआपसमा ठोक्किएर दुर्घटना हुँदा दुई जनाको मृत्यु भएको प्रहरीले जनाएको छ।
मृत्यु हुनेमा सप्तरी कञ्चनरुप नगरपालिका-७ का सुभास बस्नेत र उदयपुर चौदण्डीगढी नगरपालिका-९ भिमाटोलका २८ वर्षीय हरिशंकर चौधरी रहेका छन्। दुवै जना मोटरसाइकल चालक रहेको र उनीहरुको उपचारका क्रममा गोल्डेन अस्पताल विराटनगरमा मृत्यु भएको जिल्ला प्रहरी कार्यालय सप्तरीले जनाएको छ।
कञ्चनपुरबाट फत्तेपुरतर्फ जाँदै गरेको को २२ प १५५८ नम्बरको मोटरसाइलक विपरीत दिशाबाट आउँदै गरेको अर्को को २२ प १५५८ नम्बरको मोटरसाइकलसँग ठोक्किएको थियो। उक्त दुर्घटनामा परी को २२ प १५५८ नम्बरको मोटरसाइकलमा सवार बस्नेतका ३० वर्षीय श्रीमती ममता सापकोटा, आठ वर्षीय छोरा सम्मर बस्नेत र एक वर्षीया छोरी सिम्रिका बस्नेत घाइते भएका छन्।
त्यस्तै को २२ प १५५८ नम्बरको मोटरसाइकलमा सवार सप्तरी सप्तकोशी नगरपलिका-९ का २६ वर्षीय रोहित चौधरीसमेत घाइते भएका छन्। उनीहरुको स्थानीय अस्पतालमा उपचार भइरहेको र घटनाबारे थप अनुसन्धान भइरहेको सप्तरीका प्रहरी नायव उपरीक्षक माधवप्रसाद काफ्लेले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749367495.jpg)
