काठमाडौं– नेपाल पुस्तक तथा स्टेशनरी व्यवसायी महासंघको केन्द्रीय अध्यक्षमा सञ्जय चौधरीले उम्मेदवारी घोषणा गरेका छन्।
चौधरी बुक डिपो धनगढीका सञ्चालक रहेका चौधरी नेपाल पुस्तक तथा स्टेशनरी व्यवसायी महासंघका केन्द्रीय सल्लाहकारसमेत हुन्।
पुष २८ र २९ गते चितवनको सौराहामा आयोजना हुन लागेको महासंघको छैठौंं महाधिवेशनमा अध्यक्ष पदमा आफूले उम्मेदवारी दिने घोषणा गरेको उनले जानकारी दिए।
आफू निर्वाचित भएमा महासंघको भवन र सचिवालय स्थापना गर्ने, पुस्तक, मसलन्द तथा स्टेशनरीको अन्तर्राष्ट्रिय प्रदर्शनी गर्ने, पुस्तक प्रकाशक, उत्पादक, वितरक र खुद्रा व्यवसायीहरुका बीचमा सौहार्द्र सम्बन्ध स्थापना गर्ने चौधरीले बताए।
महासंघका सुदूरपश्चिम प्रदेश अध्यक्ष मेखराज दाहाल, कैलाली अध्यक्ष तेजप्रताप मल्ल, कञ्चनपुर अध्यक्ष धर्मानन्द डीएन भट्ट, डडेल्धुरा अध्यक्ष तिर्थराज जोशी, डोटी अध्यक्ष खड्कबिक्रम शाही, अछाम अध्यक्ष कृष्ण कुवँर, बाजुरा अध्यक्ष नृपबहादुर खाती, बझाङ अध्यक्ष दीपकराम जोशी, बैतडी अध्यक्ष जयराज भट्ट र दार्चुला अध्यक्ष राजेन्द्रप्रसाद बडुले चौधरीलाई महासंघको केन्द्रीय अध्यक्ष पदमा समर्थन गर्ने निर्णय गरेका छन्।
चौधरी नेपाल पुस्तक तथा स्टेशनरी व्यवसायी महासंघको सुदूरपश्चिम क्षेत्रीय समिति र नेपाल पुस्तक तथा स्टेशनरी व्यवसायी महासंघ कैलाली जिल्लाका संस्थापक अध्यक्ष हुन्। उनले महासंघको केन्द्रीय समितिमा प्रथम उपाध्यक्ष र सल्लाहकारका रुपमा भूमिका निर्वाह गरिसकेका छन्। चौधरी ६० वर्षअघि धनगढीमा स्थापित चौधरी बुक डिपोका सञ्चालक हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
