काठमाडौं- सुनसरीबाट दुई थान स्वचालित पेस्तोलसहित दुईजना भारतीय नागरिक पक्राउ परेका छन्। सुनसरीको कोशी गाउँपालिका-१ लौकही बजारमा रहेको बीएस होटलबाट उनीहरु पक्राउ परेका हुन्।
पक्राउ पर्नेमा भारत बिहार राज्यको अररिया जिल्ला बसमतिया-२ बस्ने २४ वर्षीय हासिम अन्सारी र बसमतिया-६ घर भएका वर्ष ३५ का विद्यानन्द राम रहेका छन्। पक्राउ परेकाहरुको साथबाट प्रहरीले दुई थान स्वचालित (अटोमेटिक) पेस्तोल, तीन राउण्ड गोली र चार थान म्यागजिन बरामद गरेको छ।
बरामद हतियारसहित पक्राउ परेका भारतीय नागरिकद्वयलाई जिल्ला प्रहरी कार्यालय सुनसरीले मंगलबार पत्रकार सम्मेलन गरी सार्वजनिक गरेको हो। प्रहरीले होटलबाट भारतीय नागरिकले प्रयोग गरेको बीआरफिप्टीके/०१४९ नम्बर प्लेटको सुपर स्प्लेन्डर मोटरसाइकलसमेत बरामद गरेको बताएको छ।
प्रहरीले घटनास्थलबाट तीन राउण्ड गोली लोड रहेको एक थान र खाली म्यागजिनसहित अर्को थान गरी दुई थान अटोमेटिक पेस्तोल बरामद गरेको हो। पत्रकार सम्मेलनमा प्रहरी उपरीक्षक सञ्जय सिंह थापाले सुराकीका आधारमा छापा मार्न होटल पुगेको प्रहरी टोलीले हतियारसहित भारतीय नागरिकलाई नियन्त्रणमा लिएको बताए। सोधपुछको क्रममा भारतीय नागरिकले आफूहरु पेस्तोल बिक्री गर्न नेपाल आएको बयान दिएको प्रहरी उपरीक्षक थापाले जानकारी दिए।
पछिल्लो घटनाक्रमसँगै हातहतियारको कारोबारमा ठूलै गिरोहको संलग्नता रहेको हुनसक्ने आशंका सुनसरी प्रहरीले गरेको छ। सुनसरी प्रहरीले हतियारसहित पक्राउ परेका भारतीय नागरिकको हकमा हातहतियार तथा खरखजाना मुद्दामा कारबाहीको प्रक्रिया अघि बढाइएको बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766824868.png)
-1766819606.png)
-1764146706.png)
-1763721444.png)
-1766648928.png)
