फाइल तस्बिर।
काठमाडौं– नेपाली पुरुष फुटबल टोलीले घरेलु मैदान दशरथ रंगशालामा अफ्रिकी राष्ट्र मरिसससँग दुई मैत्रीपूर्ण खेल खेल्ने भएको छ।
अखिल नेपाल फुटबल संघ (एन्फा) ले मंगलबार मरिसससँग दशरथ रंगशालामा दुई मैत्रीपूर्ण खेल खेल्ने पक्का भएको जानकारी दिएको हो। एन्फाका अनुसार खेल सन् २०२१ को जनवरी २९ र फेब्रुअरी १ मा फिफाको क्यालेन्डर डेटमा हुने जनाइएको छ। मरिसस फिफा वरीयतामा १७२औं स्थानमा रहेको छ। यता, नेपाल १६९औं स्थानमा रहेको छ।
यसका लागि राष्ट्रिय फुटबल टोलीका मुख्य प्रशिक्षक अब्दुल्ला अल्मुताइरी नेपाल आइपुगेका छन्। झण्डै दुई महिनादेखि उनी नेपालबाहिर रहेका उनी सम्झौता प्रारम्भ हुनुभन्दा केही दिन अगाडि नेपाल आइपुगेका हुन्।
गत असोज मध्यतिर माल्दिभ्समा भएको साफ च्याम्पियनसिपपछि उनी राजीनामा घोषणा गरेर उतैबाट कतार फर्किएका थिए।
यद्यपि, कतार फुटबल संघको आग्रहमा कतारमै रहँदा सन् २०२२ जनवरी १ देखि २०२४ सम्म नेपाली राष्ट्रिय टोलीको प्रशिक्षण सम्हाल्ने गरि उनले अखिल नेपाल फुटबल संघ (एन्फा)सँग सम्झौता गरेका थिए।
नयाँ सम्झौतापछि कात्तिकमा नेपाल आएर उनी पुनः कतार फर्केका थिए। कात्तिक १६ गते पत्रकार सम्मेलनमा एन्फाले अल्मुताइरीलाई विश्वकप छनोट २०२६ र एसिया कप छनोट २०२७ लाई लक्षित गरेर तीन वर्षको सम्झौता गरिएको जानकारी दिएको थियो। उनले मैत्रीपूर्ण खेलका लागि ‘ए’ डिभिजन लिगमा गरेको प्रदर्शनको आधारमा खेलाडी छनोट गर्ने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
