वीरगञ्ज– जिल्ला प्रहरी कार्यालय पर्साले एक महिनाका अवधिमा १ करोड ५० लाख रुपैयाँभन्दा बढीको अवैध मालसामान बरामद गरी भन्सार कार्यालय र राजस्व अनुसन्धान कार्यालय पथलैयामा पठाएको छ।
प्रहरी टोलीले अवैधरुपमा भन्सार छली भित्र्याइएका उक्त मूल्य बराबरका विभिन्न सामग्री बरामद गरी कार्यालयलाई बुझाएको हो।
प्रहरी उपरीक्षक रमेशकुमार बस्नेतले अवैधरुपमा भन्सार छली भित्र्याइएका विभिन्न सामग्री बरामद गर्ने अभियान सञ्चालन गरिएको जानकारी दिए। उनले गत मङ्सिर १२ गते पर्साको प्रहरी प्रमुखको रुपमा कार्यभार सम्हालेका हुन्। गत मङ्सिर १ करोड १३ लाख ७० हजार ९३७ रुपैयाँ र पुस १० गतेसम्म ३४ लाख १७ हजार ८ सय रुपैयाँ बराबरको भन्सार छलीका सामग्री प्रहरीले बरामद गरी भन्सार पठाएको हो।
सोही अवधिमा स्रोत नखुलेको १८ लाख रुपैयाँ नेपालीसहित दुई जनालाई पक्राउ गरेर कारबाही प्रक्रिया अगाडि बढाइएको प्रहरी उपरीक्षक बस्नेतले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749367495.jpg)
