एमसीसी राष्ट्रघाती भन्नेलाई देउवाको चुनौती– एकचोटी पढ्नुस्, मैले कतै राष्ट्रघाती देखेको छैन

महाधिवेशन विशेष

नेपाल लाइभ आइतबार, पुस ११, २०७८ १८:३९

काठमाडौं– प्रधानमन्त्री शेरबहादुर देउवाले एमसीसीलाई राष्ट्रघाती भन्नेहरूले एकचोटी पढ्नुपर्ने बताएका छन्। नेकपा माओवादी केन्द्रको आठौं राष्ट्रिय महाधिवेशनको उद्घाटन समारोहमा शुभकामना मन्तव्य दिँदै उनले आफूले एमसीसीमा कहीँ पनि राष्ट्रघात नदेखेको बताए।

'एमसीसीको बारेमा बोल्नैपर्ने भयो। राष्ट्रघाती भन्नेले पढेको छ की छैन? मैले कहीँ राष्ट्रघात देखेको छैन। म पनि नेपालको प्रधानमन्त्री हुँ।नेपालको खिलाफ किन जाउँला,' देउवाले भने।

प्रधानमन्त्री देउवाले एमसीसी नेपालको हितमा रहेको दाबी गरे। एडीबीको ऋण लिने नेपालले अमेरिकाको अनुदान लिन नहुने भन्ने प्रश्न नै नरहेको बताए।

'यस विषयमा तपाईंहरु सबै पढ्नुस्। हामी छलफल गरिरहेका छौं। नेपालको हितमा छ। सित्तै आएको पैसा हो। चाहिन्न भन्छन्। एडीबीको ऋण लिन्छौं। एमसीसीका बारेमा राम्रोसँग बुझ्नुपर्छ। यसमा सहमति भएर हामी छिट्टै पास गराउने छौं,' प्रधानमन्त्री देउवाले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज सार्वजनिक बिदा

कलाकार ऐरको निधन

आईपीएलमा पञ्जाबमाथि राजस्थानको शानदार जित