सीपी मैनालीले दिए माओवादी केन्द्रलाई ‘नवजीवन’को शुभकामना

महाधिवेशन विशेष

नेपाल लाइभ आइतबार, पुस ११, २०७८ १६:३६

काठमाडौं– नेकपा मालेका महासचिव सीपी मैनालीले नेकपा माओवादी केन्द्रलाई ‘नवजीवन’को शुभकामना दिएका छन्। माओवादी केन्द्रको आठौं महाधिवेशनमा शुभकामना दिने क्रममा नेता मैनालीले माओवादीको नवजीवनका लागि शुभकामना दिएका हुन्।

उनले भने, ‘पार्टीका समर्पित कार्यकर्ताबाट सार्वजसिनक चाहनाअनुसार पार्टीलाई नवजीवन प्रदान गरुन् भन्ने कामना गर्दछु।’

हिजोआज जनताले व्यवस्था बदलिए पनि अवस्था बदल्न नसकेको गुनासो गर्ने गरेको उनले बताए। आफूले त्यसलाई परिवर्तनका बाहकसँगको असन्तुष्टिका रुपमा बुझेको बताए।

उनले आशंक व्यक्त गरे, ‘मलाई लाग्छ इतिहासले विगतका आन्दोलनलाई, जनताको आामूल परिवर्तनको आकांक्षालाई प्रयोगशामा दर्ज गरिदिने त होइन?’

उनले माओवादी केन्द्रका नेताहरुका अघि अहिले ठूलठूला प्रश्नहरु उभिएको देखिरहेको बताउँदै केही सविस्तार प्रस्तुत गरे। उनको पहिलो प्रश्न थियो, ‘नेपाली इतिहासको १० वर्षे कालखण्ड र चर्चित आन्दोलनबाट आएको माओवादी केन्द्रले जनताको असन्तोष र इतिहासको फैसलालाई सम्बोधन गर्छ भनेर आशा किन नगरु?’

तथ्यबाट सत्य खोज्ने माध्यमबाट वर्तमान समस्याको समाधान ननिकाल्ने हो भने देशमा एक खाले अन्योल कायमै रहने उनको भनाइ छ।

उनको प्रश्नहरु छन्, ‘किन माओवादी केन्द्रले तय गरेअनुसार तात्कालीक लक्ष्य प्राप्त भएन? के लक्ष्य लिनु नै समय सापेक्ष थिएन? हाम्रो आफ्नो राष्ट्रिय जनक्रान्ति गर्ने बाटो कुने हो?’

विशिष्ट आन्दोलनबाट खारिएका नेताहरुबाट उपयुक्त उत्तर आउने उनको अपेक्षा थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना