एसियन सेन्ट्रल जोन महिला तथा पुरूष भलिबल खेल्न जाने टोलीको बिदाइ

अन्य

नेपाल लाइभ आइतबार, पुस ४, २०७८ १६:०१

काठमाडौं– बंगलादेशको ढाकामा आयोजना हुने एसियन सेन्ट्रल जोन महिला तथा पुरुष भलिबल प्रतियोगिता खेल्न जाने राष्ट्रिय महिला तथा पुरुष भलिबल टोलीको बिदाइ गरिएको छ।

ढाकामा पुस ६ देखि १४ सम्म हुने प्रतियोगिताका लागि दुवै टोली सोमबार दिउँसो १२:१५ बजे त्यसतर्फ प्रस्थान गर्नेछन्।

दुवै टोलीलाई आइतबार नेपाल भलिबल संघका कार्यबाहक अध्यक्ष यम गुरुङ, युवा तथा खेलकुद मन्त्री महेश्वरजंग गहतराज, र उपाध्यक्ष निरोज मास्केलगायतले बिदाइ गरे।

मन्त्री गहतराजले दुवै टाेलीलाई बिदाइ गर्दै सम्पूर्ण समस्या भुलेर उच्च मनोबलका साथ जितेर आउन शुभकामना दिए।

'दुवै टोलीले सम्पंर्ण समस्या भुलेर उच्च मनोबलका साथ जितेर आउनुस्। खेलाडीका लागि पूर्वाधारको कमी हुँदैन। मन्त्रालयबाट हुने काम सबै गर्ने प्रतिबद्धता गर्छु, मन्त्री गहतराजले भने।'

ढाकामा हुने प्रतियोगितामा महिलातर्फ नेपालसहित आयोजक बंगलादेश, किर्गिस्तान, माल्दिभ्स, श्रीलंका र उज्वेकिस्तान सहभागी हुनेछन्।

यसअघि महिला टोलिले बंगलादेशमा नै भएको सेन्ट्रल जोनको पहिलो संस्करणमा माल्दिभ्सलाई ३-० को सोझो सेटमा हराएर ऐतिहासिक स्वर्ण पदक जितेको थियो।

यस्तै, पुरुषतर्फ नेपालसहित आयोजक बंगलादेश, माल्दिभ्स, श्रीलंका र उज्वेकिस्तानले सहभागिता जनाउने छन्। नेपालमै भएको एसियन भलिबल कन्फेडेरेसन (एभिसी) सेन्ट्रल जोन सिनियर पुरुष भलिबल प्रतियोगितामा नेपाली टोली समूह चरणबाटै बाहिरिएको थियो।

राउन्ड रोबिन पद्धतिको आधारमा हुने खेलमा शीर्ष दुई टोलीले उपाधिको लागि प्रतिस्पर्धा गर्नेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कर नबुझाउने एक सय बाइस करदातामाथि कारबाही

सप्तकोसीमा बेपत्ता व्यक्ति खोज्न सशस्त्रको गोताखोर परिचालन

रविको बन्दी प्रत्यक्षीकरण रिट हेर्न नमिल्नेमा