फाइल तस्बिर
काठमाडौं- नेपाली कांग्रेसको जारी १४औं महाधिवेशनमा महामन्त्रीका प्रत्यासी गगन थापाले गणेशमान सिंह र महेन्द्रनारायण निधि कसैको व्यक्तिगत सम्पत्ति नभएको बताएका छन्। पिताको लिगेसीलाई राजनीतिमा भजाइरहेका प्रकाशमान सिंह र गणेशमान सिंहप्रति लक्षित गर्दै उनले यस्तो बताएका हुन्।
उनले भने, 'श्रद्धेय र सम्मानित नेता कसैको निजी बा होइन। हाम्रो पनि बा हो। कसैको प्राइभेट सम्पत्ति होइनन्। गणेशमान सिंह हाम्रो पनि बा हो। महेन्द्रनारायण निधि हाम्रो पनि बा हो।' पहिलो चरणको निर्वाचनमा नेतृत्व फेर्ने नारा लगाए पनि दोस्रो चरणमा देउवालाई साथ दिन पुगेका सिंह र निधिप्रति उनले रोष प्रकट गरे।
उनले डा शेखर कोइराला पनि सामान्य परिवारको छोराका रुपमा निर्वाचनमा गएको बताए। आफूहरुसँग उभिएको उल्लेख गरे। उनले भने, 'उहाँ पनि हामी जस्तै सामान्य परिवारको छोरा हो। नेताका छोराहरु वा छोरीहरु भनेर बोलाइएको बैठकमा कहिल्यै बोलाइयो? कहिल्यै डा कोइरालालाई देख्नुभयो?'
संस्थापन इतरका धेरै नेताहरुले साथ छाड्दा पनि सँगै रहेका अर्जुन नरसिंह केसी र बलबहादुर केसीलाई उनले धन्यवाद दिए। रामचन्द्र पौडेल र शशांक कोइरालाप्रति लक्ष्य गर्दै भने, 'अन्य सिनियर नेताले विवेकको मत प्रयोग गर भन्नुभएको होइन? तर तपाईंहरु उभिनुभयो। हामीहरु उभियौं र ताकत निर्माण गर्यौं।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775092857.png)
-1764146706.png)
