गगन थापाको प्रश्न- मध्यरातसम्म देउवा हुँदा प्रजापरिषद् हुन्छ, बिहान कसरी नभइ नहुने भयो?

महाधिवेशन विशेष

नेपाल लाइभ बुधबार, मंसिर २९, २०७८ १६:४४

फाइल तस्बिर

काठमाडौं- नेपाली कांग्रेसको जारी महाधिवेशनमा महामन्त्रीका प्रत्यासी गगन थापाले दोस्रो चरणको निर्वाचनमा सभापति शेरबहादुर देउवालाई साथ दिन पुगेकाहरुलाई प्रश्न गरेका छन्।

पहिलो चरणका सभापति प्रत्यासीहरु प्रकाशमान सिंह र विमलेन्द्र निधिप्रति लक्षित गर्दै उनले नेतृत्व परिवर्तनको अजेण्डा छाडेका विषयमा इतिहासले समेत प्रश्न सोधिरहने बताए।

उनले प्रश्न गरे, 'मध्यरातसम्म अहिलेकै नेतृत्व सभापतिमा दोहोरिँदा कांग्रेस प्रजा परिषद् जस्तो हुन्छ। कांग्रेस पार्टी डुब्छ। देश डुब्छ भन्नेहरुले एकाबिहानै नेतृत्व यही दोहोरिएन भने वर्वाद हुन्छ भन्दै भोट माग्ने अवस्था किन आयो? छ घण्टामा केले बदल्यो? यो प्रश्नले जसलाई पनि लखेट्छ। म भए पनि लखेट्थ्यो।'

उनीहरुले आफूहरुको बीचमा छलफल भएर एउटा साझा धारणासमेत बनेको बताए। उनले थपे, 'यदि शेखर कोइरालाको मत कम आएको थियो र अरु कोही दोस्रो भएको थियो भने कोइराला उभिनुपर्थ्यो। हामी उभ्याएरै छाड्थ्यौं।'

प्रश्नबाट कोही भाग्न नसक्ने भन्दै उनले इतिहासले यसको उत्तर मागिरहने बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना