काठमाडौं- सहिद स्मारक ए डिभिजन लिगअन्तर्गत पाँचौं चरणका खेल खेल्न घरेलु टोली मनाङ मर्स्याङ्दी क्लब र विभागीय टोली नेपाल पुलिस क्लबका खेलाडी पोखरा प्रस्थान गरेका छन्।
मनाङले लिग अन्तर्गत पाँचौ, सातौं र आठौं चरणको खेल घरेलु मैदान पोखरा रंगशालामा खेल्ने छ। मनाङको टोली बुधबार बिहान त्यसतर्फ प्रस्थान गरेको हो। यस्तै, पुलिसको टोली दिउँसो त्यसतर्फ प्रस्थान गरेको छ।
इतिहासमा पहिलो पटक लिगका केही खेलहरु काठमाडौं बाहिर हुन लागेको हो।
जसमा मनाङले पाँचौं चरणमा पुलिस क्लब, सातौं चरणमा ब्रिगेड ब्वाइज क्लब र आठौं चरणमा च्यासल युथ क्लबविरुद्ध पोखरा रंगशालामा खेल्ने छ।
मनाङले पुलिससँग पुस ३, ब्रिगेडसँग पुस १७ र च्यासलसँग पुस २४ गते खेल्ने छ।
८ पटकको किर्तिमानी च्याम्पियन मनाङ ४ खेलबाट १० अंक जोडेको छ। मनाङ तालिकाको दोस्रो स्थानमा छ। यता, पुलिस लिगको नवौं स्थानमा रहेको छ। पुलिसले ४ खेलमा ५ अंक जोडेको छ।
लिगअन्तर्गत नवौं चरणसम्मका बाँकी खेल भने त्रिपुरेश्वरस्थित दशरथ रंगशलामा हुने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772185181.png)
.._ELsE3tlM5D-1772177971.jpg)
-1764146706.png)
