पुँजी बजारको समस्या समाधान गर्छौं, हल्लाका भरमा घटबढ हुनु हुँदैन : अर्थमन्त्री शर्मा

बैंक/बिमा/सेयर

नेपाल लाइभ सोमबार, मंसिर २७, २०७८ १५:१५

फाइल तस्बिर

काठमाडौं- अर्थमन्त्री जनार्दन शर्माले सरकारले पुँजी बजारमा देखिएका समस्या समाधान गर्ने बताएका छन्। उनले कुनै मन्त्रीले सेयर बजार घटाउने वा बढाउने कुरा नभएको भन्दै यसमा लगानीकर्ता भ्रमित हुन नहुने बताएका छन्।

उनले सेयर बजार विकासका लागि आवश्यक नीति र प्रविधिमा सुधार गर्न सरकार तयार रहेको पनि बताएका छन्। शर्माले सोमबार बिमा समितिको नयाँ कार्यालय भवन शिलान्यास कार्यक्रममा यस्तो धारणा राखेका हुन्।

बिमा समितिले ललितपुरको कुपण्डोलमा अत्याधुनिक भवन निर्माण गर्न लागेको छ। सोही भवनको शिलान्यास कार्यक्रममा अर्थमन्त्री पुगेका थिए।

अर्थमन्त्रीले अहिले सेयर बजार हल्लाको भरमा चलेको बताएका छन्। उनले हल्लाकै भरमा सेयर बजार घट्नु वा बढ्नु ठीक नभएको बताएका छन्। हल्लाका भरमा सेयर बजार घटबढ हुनुले बजारमा संस्थागत र संरचनागत समस्या देखाउने शर्माको बुझाइ छ। यसले सेयर बजारको संरचना र स्थायित्वमासमेत प्रश्न उठेको मन्त्री शर्माले बताए।

उनले भने, ‘हाम्रो सेयर बजार नीति तथा निर्देशनबाट भन्दा पनि होहल्लाको आधारमा चलेको देखियो। यो राम्रो कुरा होइन, बजारलाई यस्ता गतिविधिले प्रभावित गर्न नसक्नेगरी विकास गर्नुपर्छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बनेका सबै सरकार बलिया नै हुन्छन् : महामन्त्री थापा

तीन वटा वैकल्पिक बाटो प्रयोग गरेर खुलाइँदैछ पूर्व–पश्चिम राजमार्ग

नवलपुरको विनयी खोला पुल भासियो, पूर्व-पश्चिम राजमार्ग बन्द