काठमाडौं- चितवनमा सम्पन्न भएको १०औं राष्ट्रिय महाधिवेशनपछि नेकपा (एमाले)को केन्द्रीय कमिटीको दोस्रो पूर्ण बैठक आइतबार सकिएको छ।
भक्तपुरको गठ्ठाघरस्थित जर्मन हाउस हस्पिटालिटीमा शनिबारदेखि सुरु भएको बैठक विभिन्न १५ अजेण्डामा छलफल गर्दै सम्पन्न भएको हो। बैठकले केन्द्रीय कमिटीमा विधानअनुसार मनोनीत गर्नुपर्ने १० प्रतिशत केन्द्रीय सदस्यसहित महत्त्वपूर्ण निर्णय गरेको छ।
आइतबार सम्पन्न भएको बैठकले एमालेको स्थायी कमिटी र पोलिटब्यूरो गठन गर्नेदेखि निर्वाचित ३०१ केन्द्रीय कमिटीका सदस्यको जिम्मेवारी, प्रदेश र जिल्ला इन्चार्जसम्मको जिम्मेवारी तोकेको छ।
एमालेको केन्द्रीय कमिटी बैठकले पार्टीको विधानअनुसार १० प्रतिशत केन्द्रीय कमिटीमा मनोनीत गर्ने सदस्यहरुको टुङ्गो लगाएको छ।
एमाले महासचिव शंकर पोखरेलले विधानमा व्यवस्था भएअनुसार १० प्रतिशत र पार्टी एकता र एकीकरणबाट आएका गरेर ४५ जना केन्द्रीय कमिटीमा मनोनीत गरिएको जानकारी दिए। उनका अनुसार २० जना खुल्लाबाट, १० जना महिलातर्फबाट र बाँकी एकीकरणको प्रक्रियाबाट गरेर ४५ जना मनोनीत गरिएका हुन्।
को-को आए मनोनीतमा?
दशौं राष्ट्रिय महाधिवेशनमा केन्द्रीय सदस्यमा निर्वाचित हुन छुटेका नेतादेखि अन्य पनि मनोनीतमा परेका छन्। अहिले मनोनीत भएकामा दुर्गा प्रसाईंसमेत रहेका छन्। एमालेले मनोनीत गरेकाहरुमा दल फडेरा, मानवीर राई, ऐन महर, चन्द्रमोहन गौचन, रतननाथ योगी, रमेश पौडेल, पदम गिरी, सूर्य पाठक, यज्ञबहादुर बोगटी, हरि घिमिरे, युवराज बाँस्कोटा, विशाल भट्टराई, उद्धव रेग्मी, बद्री न्यौपाने, रुपनारायण श्रेष्ठ, प्रेम दंगाल, हरिकृष्ण व्यञ्जनकार, भीम केसी, लालबाबु पण्डित, सुवास देवकोटा, इन्दिरा गौतम, सरस्वती चौधरी, यमुना रोका, उमा कोइराला, कल्पना चापागाईं, आशा विक, नैनकला ओझा, मञ्जु गुरुङ, विमला अर्याल, इन्दिरा सञ्जेल, गीता कार्की, शान्ति अधिकारी, रुक्मिणी राना, सविता यादव, तारादेवी गुरुङ, विषमलाल अधिकारी, रेशम लामा, दुर्गा प्रसाईं, गोविन्द दुवाल, सहदेव बोगटी, बालसिंह काउछा, कृष्ण केसी, चन्द्रबहादुर विश्वकर्मा, चुडादेवसिंह लामा रहेका छन्।
यस्तै एमालेको केन्द्रीय कमिटी बैठकले पदाधिकारीबाहेक २६ जना स्थायी कमिटीमा मनोनयन गरेको छ। स्थायी कमिटीमा मनोनीतसहित थप ५४ जनालाई पोलिटब्यूरोमा मनोनयन गरेको छ। पार्टी पदाधिकारी र स्थायी कमिटी सदस्य पदेन पोलिटब्यूरो सदस्य हुने व्यवस्था छ। जसअनुसार आइतबारको बैठकले ५४ जना पोलिटब्यूरो सदस्य मनोनीत गरेको हो।
यी हुन ९९ सदस्यीय पोलिटब्यूरो
एमालेका १९ जना पदाधिकारीसहित २६ जना स्थायी कमिटीमा थपिएकासमेत गरेर ९९ सदस्यीय पोलिटब्यूरो बनाइएको छ। एमालेमा पदाधिकारीमा रहेका अध्यक्ष केपी शर्मा ओली, वरिष्ठ उपाध्यक्ष ईश्वर पोखरेल, उपाध्यक्षहरु अष्टलक्ष्मी शाक्य, युवराज ज्ञवाली, रामबहादुर थापा,विष्णु पौडेल, सुरेन्द्र पाण्डे, सुवासचन्द्र नेम्वाङ, महासचिव शंकर पोखरेल, उपमहासचिवहरु प्रदीप ज्ञवाली, पृथ्वी सुब्बा गुरुङ, विष्णुप्रसाद रिमाल, सचिवहरु टोपबहादुर रायमाझी, लेखराज भट्ट, रघुवीर महासेठ, गोकर्ण विष्ट, छविलाल विश्वकर्मा, योगेश भट्टराई, पद्मा अर्यालसहित स्थायी कमिटीका घनश्याम भुसाल, गुरु बराल, देवराज घिमिरे, भीम आचार्य, लालबाबु पण्डित, खगराज अधिकारी, किरण गुरुङ, काशीनाथ अधिकारी, रघुजी पन्त, भानुभक्त ढकाल, मणिचन्द्र थापा, शेरधन राई, कृष्णगोपाल श्रेष्ठ, यमलाल कँडेल, अग्नि खरेल, प्रभु साह, डा राजन भट्टराई, सीता पौडेल, विन्दा पाण्डे, गोरखबहादुर बोगटी, कर्णबहादुर थापा, राजेन्द्र गौतम, थममाया थापा, शेरबहादुर तामाङ, शिवमाया तुम्बाहाङ्फे, हिक्मत कार्कीसमेत मनोनीत भएका गोकुल बाँस्कोटा, महेश बस्नेत,अरुण नेपाल, देवी ज्ञवाली, पर्शु मेघी गुरुङ, पुरुषोत्तम पौडेल, आनन्द पोखरेल, लिला गिरी, जगत विश्वकर्मा, कमलप्रसाद चौलागाईं, बालकृष्ण ढुंगेल, ईश्वरबहादुर रिजाल, जितबहादुर गौतम, विनोद श्रेष्ठ, सुमन प्याकुरेल, भैरवसुन्दर श्रेष्ठ, राम दयाल मण्डल, दलबहादुर राना, गोकुल घर्ती, वैजनाथ चौधरी, टुकराज सिग्देल, लिलानाथ श्रेष्ठ, खेममान खड्का, राजेन्द्र रावल, नारदमुनि राना, लिलबहादुर थापा मगर, सुजिता शाक्य, ज्वालाकुमारी साह, मोहन बानियाँ, मञ्जुकुमारी चौधरी, अच्युत मैनाली, विशाल भट्टराई, गणेश ठगुन्ना, खिमलाल भट्टराई, दधिराम न्यौपाने, देवेन्द्र दाहाल, रामेश्वर फुँयाल, ठाकुर गैरे, तिलकुमार मेयाङ्बो, जुलीकुमारी महतो, गौरी वली, निरुदेवी पाल, विमला घिमिरे, लीलाकुमारी भण्डारी, शान्ता चौधरी, सीता गिरी वली, नन्दलाल चौधरी, कृष्णबहादुर राई, गुलावजंग शाह, लक्ष्मी पोखरेल, सूर्यबहादुर थापा, मनकुमार जैसी, सुशिला नेपाल, पार्वत गुरुङ समेटेर पोलिटब्यूरो बनाएको हो।




पदाधिकारीको कार्यविभाजन
नेकपा (एमाले)ले दोस्रो केन्द्रीय कमिटी बैठकबाट पदाधिकारीहरुको कार्यविभाजन गरेको छ। भक्तपुरको गट्ठाघरमा बसेको केन्द्रीय कमिटी बैठकले १४ क्षेत्र तोकेर कार्यविभाजन गरेको हो।
अध्यक्ष ओलीलाई समग्र पार्टीको जिम्मेवारी दिइएको छ। महासचिव शंकर पोखरेललाई पनि समग्र पार्टीकै जिम्मेवारी दिइएको छ।
वरिष्ठ उपाध्यक्ष ईश्वर पोखरेललाई नीति अनुसन्धान प्रतिष्ठान र उपाध्यक्ष रामबहादुर थापा ‘बादल’लाई राष्ट्रिय सुरक्षाको जिम्मेवारी दिइएको छ।
यस्तो छ जिम्मेवारी:
अध्यक्ष केपी शर्मा ओली : समग्र पार्टी
वरिष्ठ उपाध्यक्ष ईश्वर पोखरेल : नीति अनुसन्धान प्रतिष्ठान
उपाध्यक्ष युवराज ज्ञवाली : स्थानीय तह प्रदेश र संघ
उपाध्यक्ष अष्टलक्ष्मी शाक्य : राजनीतिक समन्वय
उपाध्यक्ष रामबहादुर थापा बादल : राष्ट्रिय सुरक्षा
उपाध्यक्ष विष्णु पौडेल : पार्टी संगठन अनुगमन
उपाध्यक्ष सुवास नेम्वाङ : संसदीय अनुगमन
उपाध्यक्ष सुरेन्द्र पाण्डे : राजकीय मामिला
महासचिव शंकर पोखरेल : समग्र पार्टी
प्रदीप ज्ञवाली : स्कुल विभाग
पृथ्वी सुब्बा गुरुङ : प्रचार विभाग
विष्णु रिमाल: आर्थिक लेखा लगायत
योगेश भट्टराई : स्वास्थ्य तथा जनसंख्या विभाग प्रमुख
भीष्म अधिकारी : कार्यालय सचिव
खगराज अधिकारी : संगठन विभाग
सातवटै प्रदेशमा इञ्चार्ज तोकियो
एमालेले सातवटै प्रदेशमा नयाँ इञ्चार्ज तोकेको छ। १०औं महाधिवेशनपछि बसेको केन्द्रीय कमिटीको दोस्रो पूर्ण बैठकले सात प्रदेशमा इञ्चार्ज तोकेको हो।
केन्द्रीय कमिटी बैठकको निर्णयानुसार प्रदेश १ को इञ्चार्ज देवराज घिमिरे तोकिएका छन्। यस्तै, प्रदेश २ को इञ्चार्जमा रघुवीर महासेठ, बागमतीमा काशिनाथ अधिकारी र गण्डकी प्रदेशको इञ्चार्ज पद्मा अर्याल तोकिएका छन्।
यस्तै, लुम्बिनीमा छविलाल विश्वकर्मा, कर्णालीमा यमलाल कँडेल र सुदूरपश्चिम प्रदेशमा लेखराज भट्ट इञ्चार्ज तोकिएका छन्।
नेकपा (एमाले) केन्द्रीय कार्यालय सचिवमा डा भीष्म अधिकारी नियुक्त भएका छन्। यसअघि कार्यालय सचिवको जिम्मेवारी शेरबहादुर तामाङले सम्हालेका थिए।
तामाङ स्थायी कमिटी सदस्य भएपछि केन्द्रीय सदस्य अधिकारीलाई कार्यालय सचिवको जिम्मेवारी दिइएको हो।
तामाङले तत्कालीन एमालेका वरिष्ठ नेता माधवकुमार नेपाल गुट छोडेपछि एमाले अध्यक्ष ओलीले पार्टी कार्यालय सचिवको जिम्मेवारीमा ल्याएका थिए।
नेताहरुको वरीयता तय
एमालेले केन्द्रीय कमिटीका पदाधिकारीहरुको वरीयताक्रम निर्धारण गरेको छ। चितवनमा सम्पन्न १०औं महाधिवेशनपछि बसेको केन्द्रीय कमिटीको दोस्रो पूर्ण बैठकले १९ जना पदाधिकारीको वरीयता निर्धारण गरेको हो।
वरीयताक्रमअनुसार सबैभन्दा माथिल्लो तहमा अध्यक्ष केपी शर्मा ओली छन्। ओलीपछि वरिष्ठ उपाध्यक्ष ईश्वर पोखरेल छन्। उपाध्यक्षमध्ये युवराज ज्ञवाली वरीयताको पहिलो नम्बरमा छन्। ज्ञवालीपछि अष्टलक्ष्मी शाक्य, रामबहादुर थापा (बादल), विष्णु पौडेल, सुवासचन्द्र नेम्वाङ र सुरेन्द्र पाण्डे छन्।
महाधिवेशनका क्रममा वरिष्ठ उपाध्यक्षमा दाबी गरेका नेम्वाङ वरीयतामा भने उपाध्यक्षमध्ये पनि अन्तिमतिर परेका छन्।
तीन जना उपमहासचिवमध्ये प्रदीप ज्ञवाली वरीयताको पहिलो नम्बरमा छन् भने त्यसपछि पृथ्वी सुब्बा गुरुङ र विष्णु रिमाल छन्।
सचिवहरुमध्ये पूर्वमाओवादी नेता टोपबहादुर सायमाझी र लेखकराज भट्ट क्रमश: दोस्रो र तेस्रो नम्बरमा छन्। सचिवमध्ये पद्मा अर्याल सबैभन्दा पुछारमा परेकी छन्।
यस्तो छ एमालेका पदाधिकारीहरुको वरीयता:
केपी शर्मा ओली (अध्यक्ष)
ईश्वर पोखरेल (वरिष्ठ उपाध्यक्ष)
उपाध्यक्षहरु:
युवराज ज्ञवाली, अष्टलक्ष्मी शाक्य, रामबहादुर थापा (बादल), विष्णु पौडेल, सुवासचन्द्र नेम्वाङ, सुरेन्द्र पाण्डे
महासचिव: शंकर पोखरेल
उपमहासचिवहरु:
प्रदीप ज्ञवाली, पृथ्वी सुब्बा गुरुङ, विष्णु रिमाल
सचिवहरु:
टोपबहादुर रायमाझी, लेखराज भट्ट, रघुवीर महासेठ, छविलाल विश्वकर्मा, गोकर्ण विष्ट, योगेश भट्टराई, पद्मा अर्याल
यी हुन् प्रदेश कमिटीमा जिम्मेवारी पाउनेहरु
नेकपा एमाले केन्द्रीय कमिटीको पूर्ण बैठकबाट प्रदेश कमिटीका पदाधिकारीको पनि टुङ्गो लागेको छ।
अध्यक्ष ओलीले केन्द्रीय कमिटी बैठकमा सातवटा प्रदेश र उपत्यका विशेष प्रदेश कमिटीका पदाधिकारीको नाम पेस गरेअनुरुप नै टुङ्गो लागेको हो।
यी हुन् सात प्रदेश र उपत्यका समन्वय कमिटीको अध्यक्ष, उपाध्यक्ष तथा सचिवमा सिफारिस नेताहरु:
प्रदेश १
अध्यक्ष– तुलशी न्यौपाने
उपाध्यक्ष– टीका चेमजोङ
सचिव– चिन्तन पाठक
प्रदेश २
अध्यक्ष– राम अवतार यादव
उपाध्यक्ष– रेवती पन्त
सचिव– डा कृष्ण पौडेल
बागमती प्रदेश
अध्यक्ष– केशरराज पाण्डेय
उपाध्यक्ष– रामहरि सुवेदी
सचिव– विजय सुवेदी
गण्डकी प्रदेश
अध्यक्ष– नवराज शर्मा
उपाध्यक्ष– मोहन रेग्मी
सचिव– धनञ्जय दवाडी
लुम्बिनी प्रदेश
अध्यक्ष– राधाकृष्ण कँडेल
उपाध्यक्ष– भोजप्रसाद श्रेष्ठ
सचिव– लक्ष्मण आचार्य
कर्णाली प्रदेश
अध्यक्ष– विनोद शाह
उपाध्यक्ष– लालबहादुर महतारा
सचिव– कमल शाही
सुदूरपश्चिम प्रदेश
अध्यक्ष – दामोदर भण्डारी
उपाध्यक्ष – कमल तिमिल्सेना
सचिव – धर्मराज पाठक
उपत्यका विशेष प्रदेश
अध्यक्ष – प्रेमकुमार पराजुली
उपाध्यक्ष – विदुर कार्की
सचिव – समिर नेपाल
एमालेको केन्द्रीय कमिटी बैठकले दशौं राष्ट्रिय महाधिवेशनबाट निर्वाचित ३०१ केन्द्रीय सदस्यको नै जिम्मेवारी तोकेको छ। त्यसअन्तर्गत नेताहरुले प्रदेशदेखि जिल्लासम्मको जिम्मेवारी पाएका छन्।
आइतबार मनोनीत भएका ४५ सदस्यीय केन्द्रीय कमिटीका सदस्यहरुको भने पछि कार्यालयबाट नै जिम्मेवारी तोकिने भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।