काठमाडौं– नेपाल एपीएम टेबलटेनिस प्रालिको आयोजनामा प्रथम नेपाल एपीएम खुला टेबलटेनिस प्रतियोगिता पुस १ गतेदेखि हुने भएको छ।
प्रतियोगितामा विभिन्न ८ स्पर्धामा प्रतिस्पर्धा हुने बिहीबार आयोजित पत्रकार सम्मेलनमा एपीएमका निर्देशक दानबहादुर महताले जानकारी गराए।
पुरुष/महिला सिंगल्स, यु–१६ ब्वाइज/गर्ल्स सिंगल्स, मिक्स डबल्स, पुरुष भेट्रानको सिंगल्सतर्फ ४० वर्षमाथि, ५० वर्षमाथि र ६० वर्षमाथि स्पर्धामा खेल हुने छ। पुरुष/महिला सिंगल्समा शीर्ष तीन स्थान हात पार्नेले क्रमशः १० हजार, ५ हजार र २ हजार ५ सय–२ हजार ५ सय नगद पुरस्कार प्राप्त गर्ने छन्।
सबै ८ स्पर्धाका विजेतालाई सिओम टेबलटेनिस नेपालले ५ लाख रुपैयाँ बराबरको खेल सामाग्री उपलब्ध गराउने छ। प्रतियोगितामा करिब ३ सय २० खेलाडीको सहभागिता रहने बताइएको छ। तीनदिने प्रतियोगिताका खेलहरु भैसेपाटीमा हुने छ।
प्रतियोगितालाई सांग्रिला डेभलोप्मेन्ट बैंक लिमिटेडले मुख्य प्रायोजन गर्ने भएको छ। प्रायोजन सम्बन्धी सम्झौता पत्रमा पनि हस्ताक्षर भएको छ। सांग्रिलाका प्रमुख कार्यकारी अधिकृत सुयोग श्रेष्ठ र एपीएमका निर्देशक दानबहादुरले सम्झौता पत्रमा हस्ताक्षर गरे। सांग्रिलाले १ लाख सहयोग गर्ने सांग्रिलाकी मार्केटिङ हेड अर्पणा वज्राचार्यले जानकारी गराइन्।
प्रमुख कार्यकारी अधिकृत श्रेष्ठले खेलकुदसंग पहिलो पटक जोडिएको बताउदै तत्काललाई सम्झौता प्रथम संस्करणका लागि मात्र भएको बताए। उनले आगामी संस्करणमा प्रायोजनले निरन्तर पाउने प्रतिबद्धता जनाए।
सोही अवसरमा नेपाल ओलम्पिक कमिटीअन्तर्गत स्पोर्ट्स एन्ड इन्भाइरोमेन्ट कमिसनका सदस्य पूर्णशंकर श्रेष्ठ र एपीएमका अधयक्ष महताबीच पनि सह–प्रायोजन सम्बन्धी सम्झौता पत्रमा हस्ताक्षर गरे। श्रेष्ठले व्यक्तिगत ३ लाख प्रायोजन गर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1746000894.jpg)
-1791105310.png)
-1786602170.png)
