काठमाडौं– काठमाडौं महानगरपालिकाले जथाभावी राखिएको होर्डिङ बोर्ड हटाउन छाडेका छ। यसअघि महानगरले विभिन्न क्षेत्रमा राखिएको पर्चा, पम्प्लेट, बोर्ड, होर्डिङ बोर्डले सहर कुरूप बनाएको भन्दै त्यस्ता विज्ञापन हटाउन अभियान थालको थियो।
अहिले महानगरमा होर्डिङ बोर्डहरु प्रशस्तै भेटाउन सकिन्छ। तर, सबै होर्डिङ बोर्डहरु हटाइसकेकाले सो अभियान स्थगित गरिएको महानगर प्रहरी प्रमुख धनपति सापकोटाले बताए।
ठूला होर्डिङ बोर्डहरु हटाएर सकिएको र अहिले साना विज्ञापन, सूचना र पम्प्लेटहरु मात्र हटाउने गरेको उनले बताए। उनले भने, ‘महानगरले कोरोना महामारी सुरु भएदेखि सो अभियान रोकेको छ। सबै विज्ञापनहरु अहिले डिजिटल भइसकेको छ। त्यसैले थोरै मात्रमा बोर्डहरु भेटिन्छन्।’
यसअघि महानगरले तीनकुने, माइतीघर, टेकु, सोह्रखुट्टे, त्रिपुरेश्वर, पुलतीसडक, थापथली, चावहिल, वानेश्वरलगायतका स्थानमा नियमविपरितका होडिङ बोर्ड हटाइएको थियो।
महानगरले हालसम्म ठूलो होर्डिङ बोर्ड ७ सय १७ र फ्लेक्स, सानो बोर्ड र स्वागत गेट गरि कुल २९ हजार ९ सय ६६ बोर्ड हटाइएको छ।
जसमा महानर आफैंले सार्वजनिक स्थानका ५९, ठेकेदारको घरको छत तथा कौसीका १९३ व्यवसायिक होर्डिङ बोर्ड हटाएको छ। यस्तै, व्यवसायी आफैंले ४४६ बोर्ड हटाएको छ।
चक्रपथलगायत सडक आसपासमा विज्ञपान प्रयोजन लागि राखिएको सामाजिक सन्देश, सरकारी सूचना, लोकेशन बोर्ड, गैरसरकारी संस्थाका सूचना बोर्ड १ सय ७६, घरको भित्तामा राखेका फ्लेक्स बोर्ड २६ हजार २ सय ५०, सानो बोर्ड १ हजार ४ सय ९५, स्वागत गेट १ हजार ६ सय ५६ र होर्डिङ बोर्ड ३१ हटाइएको छ।
विज्ञापन नीतिअनुसार सरकारीबाहेकका निजी जग्गामा बोर्ड राख्दा सँधियार तथा सडकतर्फ कम्तीमा १० फिट जमिन छोडेको हुनुपर्ने र उचाइको हकमा जमिन सतहबाट बढीमा ३० फिटमात्र हुनुपर्ने छ।यस्तै, अनिवार्य रूपमा बोर्डमा सोलार बत्ती जडान गरेको हुनुपर्ने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
