नेपालमा ओमिक्रोन भेरियन्टको त्रास, स्वास्थ्य मन्त्रालय भन्छ– तत्काल लकडाउन हुँदैन

कोरोना अपडेट

नेपाल लाइभ सोमबार, मंसिर २०, २०७८ १७:५४

काठमाडौं– नेपालमा कोरोना भाइरसको नयाँ भेरियन्ट (ओमिक्रोन)का संक्रमित भेटिए पनि स्वास्थ्य तथा जनसंख्या मन्त्रालयले भने तत्काल लकडाउनको सम्भावना नरहेको जनाएको छ।

विदेशबाट नेपाल आएका ३ जना व्यक्तिमा ओमिक्रोन भेरियन्ट पुष्टि भएपछि नेपालमा लकडाउनलाई लिएर धरैले चासो व्यक्त गरेका छन्। तर, स्वास्थ्य तथा जनसंख्या मन्त्रालयका सह–प्रवक्ता डा समीरकुमार अधिकारी भने तत्काल लकडाउन हुने सम्भावना नरहेको बताउँछन्। लकडाउनलाई लिएर हाल सरकारले कुनै पनि निर्णय नगरेको उनले बताए।

अन्तर्राष्ट्रिय हवाई तथा स्थल नाकाहरुमा यात्रुहरुको आवतजावतलाई व्यवस्थित गर्न सबै यात्रुको नेगेटिभ पीसीआर रिपोर्ट तथा खोपको विवरण अनिवार्य गरिएको अधिकारीले जानकारी दिए।

लक्षण देखिएका शंकास्पद सबै यात्रुहरुको एन्टिजेन परीक्षण गर्ने गरिएको मन्त्रालयले जनाएको छ। एन्टिजेन परीक्षणमा पोजेटिभ फेला परेकाहरु थप नमूना संकलन गरी पीसीआर गर्ने र शंकास्पद नमूनाको जीन सिक्वेन्सिङ गर्ने गरिएको अधिकारीले जानकारी दिए।

नेपालमा ओमिक्रोनको निगरानीका लागि सर्भिलेन्स तथा कन्ट्याक ट्रेसिङ्गको कार्यलाई थप प्रभावकारी बनाइएको उनले बताए।

जनस्वास्थ्यका मापदण्ड कडाइका साथ पालना गर्न मन्त्रालयले सबैलाई आग्रह समेत गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

रातो मच्छेन्द्रनाथको भोटो आज देखाइँदै, उपत्यकाभर सार्वजनिक बिदा

आजको मौसमः पूर्वी नेपालका अधिकांश भागमा मनसुनी वायुको प्रभाव, वर्षाको सम्भावना

इन्टर मिलानविरूद्ध सानदार जित निकाल्दै पीएसजीले जित्यो च्याम्पियन्स लिगको उपाधि