कांग्रेस महाधिवेशन: बागमतीमा पहिलो चरणभन्दा दोस्रो चरणमा कम मत खस्यो

महाधिवेशन विशेष

नेपाल लाइभ आइतबार, मंसिर १९, २०७८ १८:१३

काठमाडौं– नेपाली कांग्रेसको १४औं महाधिवेशनअन्तर्गत बागमती प्रदेश समितिको सभापतिका लागि भएको दोस्रो चरणको मतदानमा २ हजार मत खसेको छ।

पहिलो चरणको मतदानभन्दा दोस्रो चरणको मतदानमा ७२ मत कम खसेको सभापतिका उम्मेदवार जगदिश्वर नरसिंह केसीले जानकारी दिए।

शनिबार भएको मतदानमा २०७२ मत खसेको थियो। पहिलो चरणको निर्वाचनमा सभापतिका ३ जना तिस्पर्धीमध्ये कसैले पनि ५१ प्रतिशत मत कटाउन नसकेपछि आइतबार (आज) दोस्रो चरणको मतदान भएको हो।

दोस्रो चरणमा संस्थापन (पार्टी सभापति शेरबहादुर देउवा) पक्षका इन्द्र बानियाँ र पौडेल पक्षका जगदिश्वर नरसिंह केसीबीच प्रतिस्पर्धा भएको छ। तेस्रो स्थानको मत ल्याएका भीमसेनदास प्रधानले संस्थापन पक्षका बानियाँलाई सहयोग गरेका छन्।

मतदान सकिएको र मतगणना सुरु गर्ने तयारी गरिएको छ। एक घन्टापछि मतगणना सुरु हुने केसीले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तोरीको भुसमा जलिरहेको अवस्थामा शव फेला

शिक्षक आन्दोलन आज पनि जारी

कक्षा १२ को परीक्षा तोकिएकै समयमा हुने