कञ्चनपुर- विहे भोज खाएर फर्कने क्रममा पूर्व–पश्चिम राजमार्ग अन्तर्गत कञ्चनपुरको शुक्लाफाँटा नगरपालिका वडा नम्बर ५ स्थित अर्जुनी ब्यारेक नजिकै ट्याक्टर दुर्घटना हुँदा तीन जनाको मृत्यु भएको छ।
शुक्रबार साँझ से १ त ३८४१ नम्बरको ट्र्याक्टर दुर्घटना हुँदा कृष्णपुर नगरपालिका वडा नम्बर ९ पिपरैयाका ६५ वर्षीया द्रोपती राना, ३३ वर्षीया रतन कुमारी राना र ५५ वर्षीया रानी रानाको मृत्यु भएको जिल्ला प्रहरी कार्यालय कञ्चनपुरका प्रवक्ता एवं प्रहरी नायव उपरीक्षक चक्रबहादुर शाहले बताए।
दुर्घटनामा अन्य ११ जना घाइते भएका छन्। घाइते सबैको कैलालीको धनगढीमा उपचार भइरहेको छ। वेदकोटको दैजीमा विवाहको भोज खाई कृष्णपुरतर्फ फर्कने क्रममा अनियन्त्रित भई ट्याक्टर सडक छेउमै पल्टिएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
