काठमाडौं– नेकपा एमालेको १०औं महाधिवेशनको निर्वाचन कार्यतालिका प्रकाशन भएको छ।
अध्यक्षसहित पदाधिकारी र केन्द्रीय कमिटीका सदस्यहरु सर्वसम्मत चयनका लागि प्रयास भइरहे पनि 'सहमति' नजुटेका पदका लागि निर्वाचन गर्न कार्यतालिका प्रकाशन गरिएको हो।
एमालेको केन्द्रीय निर्वाचन आयोगले प्रकाशन गरेको निर्वाचन कार्यतालिकामा आइतबार राति ११ बजे मतदाता नामावली प्रकाशित गरिने जनाइएको छ। यस्तै, मतदाता नामावली उपर दाबी, विरोध र सुधारका लागि आइतबार नै राति ११ बजेदेखि १२ बजेसम्मको समय छुट्याइएको छ।
सर्वसम्मत नेतृत्व चयन भएको अवस्थामा पनि निर्वाचन आयोगले मतदाता नामावली प्रकाशनदेखि उम्मेदवारको अन्तिम नामावली प्रकाशनसम्मका काम गर्नुपर्ने आयोग प्रमुख विजय सुब्बाले बताए।
मतदान भने सोमबार बिहान ९ बजेदेखि हुने गरी कार्यतालिका तय गरिएको छ। मतदान सोमबार बिहान ९ बजेदेखि ४ बजेसम्म हुनेछ। मतदान सकिएपछि मतगणना हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
