एमाले सचिव भट्टराईले भने- सहमतिमै नयाँ कार्यसमिति घोषणा हुन्छ

महाधिवेशन विशेष

नेपाल लाइभ आइतबार, मंसिर १२, २०७८ १४:३६

फाइल तस्बिर

सौराहा- नेकपा (एमाले)का सचिव योगेश भट्टराईले पदाधिकारी र केन्द्रीय सदस्यहरुको नाम सहमतिबाटै घोषणा हुने बताएका छन्।

चितवनमा जारी १०औं राष्ट्रिय महाधिवेशनमा सञ्‍चारकर्मीहरुसँग कुरा गर्दै उनले हिजोको बन्दसत्रको हलले अध्यक्ष केपी शर्मा ओलीलाई नाम प्रस्ताव गर्ने अधिकार दिएकाले त्यहीअनुसार हुने बताएका हुन्।

‘अध्यक्ष ओलीले अरु आकांक्षीसँग कुरा गर्नुहोला, पार्टीमा संवादहीनताको अवस्था रहन दिनुहुन्न भन्नुभएको छ,’ उनले भने, ‘अध्यक्षलाई अरुले सहयोग गर्नुपर्‍यो, अरुलाई अध्यक्षले सहयोग गर्ने हो।’

आफूहरुले अध्यक्षलाई पनि सबैलाई सहमतिमा लैजान सुझाव दिएको उनले बताए। ‘अध्यक्षले जिम्मेवारी आफैंले लिएकाले उहाँले सबैसँग संवाद गर्नुहोला भन्ने लागेको छ,’ भट्टराईले भने, ‘जबजले पनि यही भन्छ, मलाई सर्वसम्मत हुन्छ भन्ने लाग्छ। हिजो २२ सय प्रतिनिधिले यही म्याण्डेट दिएका हुन्।’

अध्यक्षमै निर्वाचन हुने अवस्था आएमा के हुन्छ? भन्ने प्रश्नमा उनले उम्मेदवारी परेमा होला भन्दै टारे। उनले ध्वनी मतका आधारमा निर्वाचन गर्ने विषयमा सोधिएको प्रश्नमा यो सम्भावनाबारे जानकारी नभएको बताए। विधान र अन्यमा गोप्य मतदान भनेकाले यसै होला भन्ने आफूलाई लागेको उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

संसद्का दुवै सदनको बैठक बस्दै, सांसदले उठाएका पश्नको प्रधानमन्त्री ओलीले जवाफ दिने

आफै अमेरिका छाड्न चाहने अवैध आप्रवासीले अब बोनस पाउने

आजको मौसमः देशका केहि क्षेत्रमा हावाहुरी सहित वर्षाको सम्भावना