सौराहा– नेकपा (एमाले)को जारी १०औं राष्ट्रिय महाधिवेशनअन्तर्गत शनिबार सुरु भएर रोकिएको बन्दसत्र आज सुरु हुन सकेको छैन। शीर्ष नेता आन्तरिक छलफलमा व्यस्ता हुँदा बन्द सत्र सुर हुन नसकेको हो।
महाधिवेशन प्रतिनिधिहरु सौराहास्थित सेभेन स्टार होटलमा बन्दसत्र सुरु हुने प्रतीक्षामा बसिररहेका छन्। तर, विभिन्न पदका आकांक्षीहरु भने अध्यक्ष केपी शर्मा ओली बसेको रिसोर्टमा पुगेका छन्।
अध्यक्ष ओलीसँग आफूले चाहेको पदका लागि लबिइङ गर्न उनीहरु ओली बसेको पार्क सफारी रिसोर्टमा पुगेका हुन्। त्यहाँ अहिले आकांक्षीहरुको भीड नै लागेको छ।
यतिबेला ओली भने सोही रिसोर्टमा एमालेका शीर्ष नेताहरुसँग छलफल गरिरहेका छन्। सर्वसम्मत नेतृत्व चयन गर्ने सहमति जुटाउन उनले शीर्ष नेताहरुलाई बोलाएर छलफल गरिरहेका छन्।
ओलीसँगको छलफलमा नेताहरु ईश्वर पोखरेल, विष्णु पौडेल, शंकर पोखरेल, अष्टलक्ष्मी शाक्य, युवराज ज्ञवालीलगायत सहभागी रहेका छन्। उक्त छलफलमा पूर्वमाओवादी केन्द्रपक्षका नेताहरु रामबहादुर थापा, लेखराज भट्टसमेत सहभागी रहेको बुझिएको छ।
ओलीले भीम रावल र घनश्याम भुसाललाई भने छलफलमा नबोलाएको स्रोतले बताएको छ। शुक्रबार उद्घाटन भएको एमाले महाधिवेशनको शनिबारबाट बन्दसत्र सुरु भएको थियो। अध्यक्षसहित पदाधिकारी स्थायी कमिटी र केन्द्रीय कमिटीमा जान नेताहरुबीच प्रतिस्पर्धा चल्न थालेपछि ओली अप्ठ्यारोमा परेका हुन्।
बन्दसत्रको हलले शनिबार उम्मेदवारको नामावली प्रस्ताव गर्ने अधिकार ओलीलाई दिएको छ। तर, रावलपक्षले भने त्यसको विरोध जनाउँदै प्रतिस्पर्धाबाटै नेतृत्व चयन हुनुपर्नेमा दबाब दिँदै आएका छन्।
अध्यक्षमा उम्मेदवारी घोषणा गरेका रावलपक्षले प्रतिनिधिहरुसँग मत माग्नेक्रमलाई तीव्रता दिएको छ।महाधिवेशनबाट निर्वाचित हुने पदाधिकारी, केन्द्रीय सदस्य र निकायका पदाधिकारीको सूची बन्न ढिला हुँदा नेकपा एमाले महाधिवेशनको अन्तिम दिनको बन्दसत्र ढिला भएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010468.jpg)
-1786602170.png)
