चितवन- प्रधानमन्त्री एवं नेपाली कांग्रेसका सभापति शेरबहादुर देउवा नेकपा एमालेको दशौं राष्ट्रिय महाधिवेशनमा सहभागी हुँदै छन्।
एमालेको महाधिवेशनमा शुभकामना दिन देउवा हेलिकोप्टर चढेर चितवन आउँदै छन्। प्रमुख जिल्ला अधिकारी आस्मान तामाङ्गका अनुसार मध्यान्ह १२ बजेर ४५ मिनेटमा प्रधानमन्त्री देउवा हेलिकोप्टर मार्फत् चितवन आउन लागेका हुन्।
उनी काठमाडौंबाट हेलिकोप्टरमा भरतपुरस्थित प्रहरी शिक्षालयमा ओर्लिने छन्। कार्यक्रम सुरु भएपछि मात्रै देउवा मञ्च चढ्ने कार्यक्रम रहेको सीडीओ तामाङ्गले जानकारी दिए। प्रधानमन्त्री करिब २ घन्टा चितवन बसेर फर्किने कार्यक्रम रहेको छ।
.jpg)
पाँच महिनापछि देउवा र ओलीबीच हुँदै छ भेटवार्ता
प्रधानमन्त्री शेरबहादुर देउवा र नेकपा एमालेका अध्यक्ष केपी ओलीबीच पाँच महिनापछि भेटवार्ता हुँदैछ। त्यो पनि नेकपा एमालेको दशौं राष्ट्रिय महाधिवेशनको उद्घाटन समारोहमा। असार २८ गते सर्वोच्च अदालतको परमादेशमार्फत ओली नेतृत्वको सरकार हटेपछि देउवा प्रधानमन्त्री चयन भएका थिए।
ओलीले देउवा नेतृत्वको सरकारलाई जनादेशबाट नभएर अदालतको परमादेशबाट बनेको बताउँदै आएका छन्। त्यसैले पनि आजको उद्घाटन समारोहमा देउवाले राजनीतिक विषयमा बोल्लान् वा के गर्लान् भन्ने चासो बनेको छ।
देउवा प्रधानमन्त्री भए यता दुई नेताबीच भेटवार्ता भएको छैन। ओली देउवाको सपथ ग्रहणमा पनि सहभागी भएका थिएनन्। प्रमुख प्रतिपक्षी दलसँग संवादहिनताको अवस्था भएको बेला आजको उद्घाटनसत्रमा सहभागी भएरै देउवाले मिलेर जानुपर्ने सन्देश दिन खोजेको हुन सक्ने विश्लेषण गरिएको छ।
सत्ता गठबन्धनमा रहेका दलमध्ये नेकपा एकीकृत समाजवादीलाई एमालेले महाधिवेशनमा निम्तो नै दिएको छैन। नेकपा माओवादी केन्द्रका अध्यक्ष नआउने निश्चित देखिएको छ। जसपाका अध्यक्ष उपेन्द्र यादव र राष्ट्रिय जनमोर्चाका अध्यक्ष चित्रबहादुर केसी भने आउने तय भएको एमालेले जानकारी दिएको छ। त्यस्तै विदेशबाट समेत नेताहरु महाधिवेशनमा शुभकामना दिन आउने एमालेले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1753263770.jpg)
-1764146706.png)
