नारायणी किनारमा साँझको हतारो [तस्बिरहरू]

महाधिवेशन विशेष

निमेषजंग राई बिहीबार, मंसिर ९, २०७८ १८:५४

तस्बिरहरू : निमेषजंग राई र बीपी अनमोल।

चितवन– शुक्रबारदेखि चितवनमा सुरु हुने नेकपा एमालेको दशौं राष्ट्रिय महाधिवेशनका लागि धमाधम उद्‌घाटनस्थल निर्माण भइरहेको छ।

मञ्च र उद्‌घाटनस्थल निर्माण अन्तिम चरणमा पुगेको एमालेले जनाएको छ। तर, कतिपय संरचना निर्माण, मञ्चको तयारी र घेराबार लगायतका काम भने बाँकी नै छन्। भोलि उद्घाटन समारोह भएकाले काम सक्न हतारो परिरहेको छ।

महाधिवेशनस्थल निर्माणमा खटिएका मजदुर र स्वयंसेवकहरू धमाधम काम गरिरहेका छन्। देशका केही जिल्लाबाट आइपुगेका प्रतिनिधि तथा कार्यकर्ताहरू पनि उद्‌घाटनस्थलमा पुगेर फोटो, भिडियो लिइरहेका छन्। महाधिवेशन उद्‌घाटन समारोहमा ५ लाख मानिस सहभागी हुने एमालेको दाबी छ।

महाधिवेशनका लागि एमाले अध्यक्ष केपी शर्मा ओलीलगायतका नेताहरू चितवन पुगिसकेका छन्।

महाधिवेशनका लागि २५ स्थानमा सेल्फी प्वाइन्ट बनेका छन्। एमाले केन्द्रीय सदस्य विनोद श्रेष्ठका अनुसार चितवनतर्फ २१ र गैँडाकोटतर्फ चार सेल्फी प्वाइन्ट रहेका छन्।