कोका–कोलाले गर्‍यो भाइबरसँग साझेदारी

कर्पोरेट

नेपाल लाइभ मंगलबार, कात्तिक ३०, २०७८ १६:३३

काठमाडौं– कोका–कोला नेपालले राकुटेन भाइबरसँगको सहकार्यमा कोक एण्ड मील्सको थिम अन्तर्गत कोका–कोला अगमेन्टेड रियालिटी (एआर) भाइबर लेन्स ‘फूड र्‍याण्डमाइजर’को लन्च गरेको छ।

नेपालमा १ करोड भन्दा बढी भाइबर प्रयोगकर्ताहरूले यस रमाइलो फिल्टरको मजा लिन सक्नेछन्। जहाँ उनीहरूले आफ्ना साथी, सहकर्मी वा परिवारलाई आफ्ना लागि कोक र खानाको लोकप्रिय संयोजनका लागि माग गर्न सक्ने कम्पनीले दाबी गरेको छ।

फिल्टरमा कोक र म:म, कोक र पिज्जा, कोक र चाउमिन जस्ता लोकप्रिय कोक र मील्सका कम्बोहरू र्‍याण्डम्ली जेनेरेट हुन्छ। जेनेरेट भएको एउटा कोक एण्ड मील्सको कम्बोमा फिल्टर आएर रोकिएपछि प्रयोगकर्ताले लेन्सलाई सेभ गर्न सक्नेछन्।

कम्बो किनिदिन अनुरोध गरी आफ्ना साथीहरू, कामका सहकर्मीहरू वा परिवारलाई सजिलै पठाउन सक्नेछन्। थप रूपमा, प्रयोगकर्ताहरूले आफ्नो अनुहार पनि फिल्टरमा राख्न सक्ने कम्पनीले जनाएको छ।

भाइबरका सिनियर निर्देशक डेभिड त्सेले भने, ‘हामी कोका–कोलासँग साझेदारी गरी यो रमाइलो, प्रविधि–संचालित परिवार र साथीहरुलाई विभिन्न खानाको संयोजन पस्किन पाउँदा अत्यन्तै उत्साहित छौँ।’

कोका–कोला नेपालका कन्ट्री डिरेक्टर आदर्श अवस्थीले कोका–कोलाले सबै परिवारजनलाई साथमा ल्याएर खानाको पललाई विशेष बनाउने बताए।

‘यो नयाँ कोक एण्ड मील्स भाइबर लेन्स विशेष गरी नेपालका युवाहरुमाझ रमाइलो कुराकानी गराउने र कोक र खानाका साथ विशेष पलहरु मनाउने हाम्रो प्रयास हो’, उनले भने, ‘हामी आशा गर्दछौं कि उपभोक्ताहरू भाइबर लेन्स प्रयोग गर्न उत्साहित हुनेछन्। र, उनीहरुले साथीहरू र परिवारसँग यसलाई सेयर गरी रमाइलो गर्नेछन्।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपिन जोशी सकुशल रहेको परराष्ट्रमन्त्रीको दाबी, फर्केर आउने आश्वासन

प्रयागराजमा महाकुम्भ मेला सुरु, ४० करोड सहभागी हुने अनुमान [तस्बिरहरु]

असङ्‌गठित श्रम क्षेत्रको सवाललाई लिएर गराइयो सरोकारवालाको ध्यानाकर्षण