नेप्से उच्च अंकले बढ्दा ६ वटा कम्पनीको कारोबारमा सकारात्मक सर्किट

बैंक/बिमा/सेयर

नेपाल लाइभ मंगलबार, कात्तिक ३०, २०७८ १५:३०

काठमाडौं- सोमबारबाट सकारात्मक बनेको सेयरबजार आज पनि उच्च अंकले बढेको छ। साताको तेस्रो दिन मंगलबार पुँजीबजार मापक परिसूचक (नेप्से) ६९.२२ अंकले बढेर २७८४.५७ विन्दुमा उक्लिएको छ।

कारोबार पनि आज करिब एक अर्बले बढेको छ। नेपाल स्टक एक्सचेञ्‍ज (नेप्से)का अनुसार आज कूल पाँच अर्ब ५२ करोड १६ लाख ५० हजार रुपैयाँ बराबरको सेयर कारोबार भएको छ। कूल २२७ वटा कम्पनीका एक करोड ९३ हजार २२१ कित्ता सेयर ६९ हजार २०० पटक किनबेच भएका थिए।

आज नेप्सेमा कारोबार भएकामध्ये १७१ कम्पनीको सेयर मूल्य बढेको थियो।

ठूला कम्पनीको सेयर कारोबार मापन गर्ने सेन्सेटिभ परिसूचक पनि आज १४.९२ अंकले बढेर ५२१.४६ विन्दुमा उक्लिएको नेप्सेले जनाएको छ। सोमबार जस्तै आज पनि सबै उपसमूहको परिसूचक हरियाली बनेको छ।

आज छ वटा कम्पनीको सेयर मूल्य १० प्रतिशतले बढेपछि सकारात्मक सर्किट लागेको थियो। जसमा नेपाल बंगलादेश बैंक, नेपाल दूरसञ्चार कम्पनी लिमिटेड, महालक्ष्मी विकास बैंक, पञ्चकन्या माई हाइड्रो, अपर तामाकोशी हाइड्रो र मैलुङ खोला जलविद्युत् कम्पनी रहेका छन्। मानुषी लघुवित्त वित्तीय संस्था र तेह्रथुम पावर कम्पनीको मूल्य पनि ९.९९ प्रतिशतले बढेको थियो। विजय लघुवित्त वित्तीय संस्थाका लगानीकर्ताले भने सबैभन्दा धेरै प्रतिकित्ता २.३७ प्रतिशतका दरले गुमाएका छन्।

आज महालक्ष्मी विकास बैंककै सेयर सबैभन्दा धेरै ३७ करोड २६ लाख ८८ हजार रुपैयाँ बराबरको कारोबार भएको थियो। नेसनल हाइड्रो पावर कम्पनीको सेयर सबैभन्दा धेरै छ लाख ७४ हजार ३९७ कित्ता तथा साहस ऊर्जाको सबैभन्दा धेरै पाँच हजार ५३२ पटक किनबेच भएको नेप्सेले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज पृथ्वी जयन्ती तथा राष्ट्रिय एकता दिवस मनाइँदै

सार्वजनिक सेवा प्रवाह सहज बनाउन सरकारले ल्यायो अध्यादेश, यस्ता छन् अरु सुविधा

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय