महिला भलिबलको अभ्यास सुरु

अन्य

नेपाल लाइभ आइतबार, कात्तिक २८, २०७८ २०:५९

काठमाडौं- बंगलादेशको ढाकामा आयोजना हुने एसियन सेन्ट्रल जोन पुरुष तथा महिला भलिबल प्रतियोगिताका लागि महिला भलिबल टोलीले अभ्यास सुरु गरेको छ।

त्रिपुरेश्वरस्थित राष्ट्रिय खेलकुद परिषदको कर्भडहलमा आइतबार पहिलो दिन महिला टोलीले सामान्य अभ्यास गर्दै प्रतियोगिताका लागि प्रशिक्षण आरम्भ थालेको हो।

बंगलादेशको ढाकामा आयोजना हुने प्रतियोगिता आगामी डिसेम्बर २१ देखि २९ सम्म आयोजना हुने तालिका रहेको छ। २० खेलाडी समावेश गरि अभ्यास थालिएको हो।

नेपाल भलिबल संघको बिहीबार बसेको कार्यसमितिको बैठकले महिला टिमको प्रशिक्षण सुरु गर्ने योजना अनुसार प्रशिक्षण थालेको हो।

प्रतियोगिताका तयारीका लागि यसअघि एसियन च्याम्पियनसिपका लागि छनोट भएका १७ खेलाडी सहित नेपाल पुलिसका तीन खेलाडीलाई समावेश गरिएको छ।

नेपाल प्रहरीको आन्तररिक प्रशिक्षणमा रहेका पुलिसका खेलाडीहरु कामना विष्ट, पुनम चन्द र शान्तिकला तामाङ थपिएका छन्। एसियन च्याम्पियनसिपका लागि दोस्रो चरणमा १८ खेलाडी प्रशिक्षणमा रहेपनि चोटका कारण रिया कुँवर टोलीबाट बाहिर छिन्।

यसअघि २०१९ मा बंगलादेशमै भएको सेन्ट्रल जोनमा नेपालले सबै खेलमा स्पष्ट जित निकाल्दै उपाधि घर भित्र्याउन सफल भएको थियो।

२०२० मा आयोजना भइसक्नु पर्ने प्रतियोगिता विश्वभर फैलिएको कोरोना महामारीका कारण तय भएको तालिकामा आयोजना हुन सकेको थिएन।

महिला टोलीले अभ्यास थाले पनि पुरुष टोलीले कहिलबाट अभ्यास थाल्ने अझै टुङ्गो लागेको छैन। यद्यपि, पुरुष टोलीलाई प्रशिक्षण दिन नेदरल्याड्सका प्रशिक्षक हान एबिङ नेपाल आइसकेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पत्रकारिता ऐनाजस्तै सत्यतथ्य देखाउने माध्यम हो: पूर्वराष्ट्रपति डा यादव

दुर्गा प्रसाईँका दुई वटै अस्पतालको खाता फुकुवा गर्न सर्वोच्चको अन्तरिम आदेश

बालुवाटारमा मन्त्रिपरिषद् बैठक सुरु