काठमाडौं- भारतीय फुटबलका सर्वाधिक गोलकर्ता सुनिल क्षेत्री पद्मश्री र अर्जुन पुरस्कारद्वारा सम्मानित भइसकेका छन्।
३७ वर्षीय छेत्रीले भारतका लागि १२५ अन्तर्राष्ट्रिय म्याच खेलिसकेका छन्। उनले राष्ट्रका लागि ८० गोल गरेका छन्। उनी अहिलेका सक्रिय फुटबलरमा दोस्रो सर्वाधिक गोलकर्ता पनि हुन्।
उनै क्षेत्रीलाई भारतीय खेल क्षेत्रको सर्वोच्च पुरस्कार 'मेजर ध्यानचन्द खेल रत्न' प्रदान गरिएको छ। शनिबार एक विशेष कार्यक्रमबीच भारतका राष्ट्रपति रामनाथ कोविन्दले छेत्रीलाई यस पुरस्कारले सम्मानित गरेका हुन्।
पछिल्लो महिना भारतले उनकै कप्तानीमा नेपाललाई पराजित गर्दै १३औं साफ च्याम्पियनसिपको उपाधि जितेको थियो।
मेजर ध्यानचन्द खेल रत्न पुरस्कार भारतमा खेलको क्षेत्रमा दिइने सर्वोच्च पुरस्कार हो। क्षेत्री भारतका पहिलो फुटबलर हुन्, जसले यो पुरस्कार प्राप्त गरे।
उनीसँगै टोकियो ओलम्पिकमा स्वर्ण पदक जितेका नीरज चोपडालगायत अन्य १२ जना खेलाडीलाई पनि खेल रत्न पुरस्कार प्रदान गरिएको छ।
मेजर ध्यानचन्द खेल रत्न पुरस्कार लगातार चार वर्ष उत्कृष्ट प्रदर्शन खेलाडलाई दिइने गरिन्छ। जसमा एक पदक, प्रमाण-पत्र र भारु २५ लाख रुपैयाँ हुन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
