दराज ११.११ को नयाँ रेकर्ड : २४ घण्टामा ७ लाख प्रयोगकर्ता थपिए, ३६ करोडभन्दा बढीको कारोबार

कर्पोरेट

नेपाल लाइभ शनिबार, कात्तिक २७, २०७८ १७:२८

काठमाडौं- दराज एपमा २४ घण्टाभित्र सात लाख नयाँ प्रयोगकर्तालाई जोड्दै दराज ११.११ को चौथो संस्करणले पछिल्ला वर्षको सबै रेकर्ड तोडेको छ। उक्त अवधिमा ३६ करोड रुपैयाँभन्दा बढीको सामान बिक्री गरेको छ, जुन अहिलेसम्मकै सबैभन्दा ठूलो एक-दिवसीय सेल हुन सफल भएको कम्पनीले जानकारी दिएको छ।

'अभियान सुरु भएको पहिलो घण्टामै छ करोड रुपैयाँको उत्पादन बिक्री भएको थियो, जुन गत वर्षको पहिलो घण्टाको तुलनामा १३० प्रतिशतले बढी हो। गत वर्षको रेकर्ड तोड्दै यो अभियानमा ५० प्रतिशतभन्दा बढी बिक्री अनलाइन प्रि-पेमेन्टमार्फत् भएको छ,' कम्पनीले जनाएको छ।

कम्पनीका अनुसार ११.११ मा बिक्री गर्ने हजारौं व्यवसायहरूमध्ये ५५ प्रतिशतले महामारीको समयमा दराजमा बिक्री सुरु गरेका थिए। यो कम्पनीले विगत डेढ वर्षमा साना र मझौला उद्यमहरूको व्यवसायहरू उत्थान गर्न जारी गरेको प्रयासहरूको परिणाम भएको कम्पनीको भनाइ छ।

दराज समूहका सीईओ र संस्थापक बियार्के मिक्केलसेनले भने, 'हामी आजको नतिजाबाट खुसी छौं। ११.११ को सफलताले दराजको बल र ग्राहकहरूले खरिद गर्ने उत्पादनको गुणस्तरलाई रेखांकित गर्दछ। यतिमात्र नभइ, यो एक दिनको सेलले कसरी साना र मझौला उद्यमहरूले आफ्नो सम्भावनालाई अनलानबाट वृद्धि गर्न सक्छन् भनेर पनि चित्रण गर्दछ।'

पहिलो ११.११ अर्डर सोही दिनको बिहान ८ बजे डेलिभर गरिएपछि, कम्पनीको ध्यान अब आफ्ना सात लजिस्टिक पार्टनर र एक हजारभन्दा बढी डेलिभरी राइडरहरूसँग मिलेर देशभरका ४७ सहरमा प्रत्येक अर्डर डेलिभर गर्नमा पूर्णरूपमा केन्द्रित रहेको कम्पनीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दल विभाजनसम्बन्धी अध्यादेश ल्याउन लाग्यो भनेर नकारात्मकता फैलाइएको छ : प्रधानमन्त्री ओली

५८ जिल्लामा भूमि आयोगका अध्यक्ष नियुक्त

विपिन जोशी सकुशल रहेको परराष्ट्रमन्त्रीको दाबी, फर्केर आउने आश्वासन