काठमाडौं- धनगढी उपमहानगरपालिकाले राजधानीमा जारी उपमेयर कप राष्ट्रिय महिला लिग छनोट प्रतियोगिताको फाइनलमा स्थान बनाएको छ। योसँगै धनगढीले राष्ट्रिय लिगमा स्थान पक्का गरेका छन्।
ललितपुरस्थित अखिल नेपाल फुटबल संघ (एन्फा) मुख्यालयको मैदानमा शुक्रबार सम्पन्न सेमिफाइनल खेलमा सुखद नतिजा निकाल्दै धनगढीले राष्ट्रिय लिगमा स्थान पक्का गरेको हो।
दिनको दोस्रो तथा अन्तिम सेमिफाइनल खेलमा गौरिगंगा नगरपालिकालाई ४–० ले हराउँदै धनगढीले फाइनलमा स्थान बनायो।
सुरुआतबाट नै दबाब दिएको खेलेको धनगढीले पहिलो हाफमा एक गोल गरेको थियो। दोस्रो हाफमा थप तीन गोल गर्दै ललितपुरसँगको भिड्न्त पक्का गरेको हो।
३१ टोलीको सहभागिता रहेको प्रतियोगिताको फाइनल खेल आइतबार हुनेछ। खेल सातदोबाटोस्थित एन्फा मुख्यालयको मैदानमा हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772949758.png)
-1764146706.png)
