काठमाडौं- विश्वमा सबैभन्दा छिटो अघि बढी रहेको स्मार्टफोन ब्रान्ड, रियलमीले औपचारिक रुपमा नेपालमा रियलमी जिटी नियो २ सार्वजनिक गरेको छ।
जसको मूल्य रु. ५४,१९९ रहेको छ, जसमा ८/ १२८ जीबी स्टोरेज रहनेछ। लोकप्रिय फ्लागसिपकिलर रियलमी जिटी लाइन अपमै आधारित यस नियो फ्लाग सिपकिलर रियलमी जिटी नियो २ धेरै स्मार्टफोन चलाउने प्रयोगकर्ताहरुको लागि बनाइएको कम्पनीको दावी छ। जसमा प्राविधिक नवीनताका साथै सुन्दर डिजाइन देख्न सकिनेछ।
शुरुका ग्राहकहरुले तोकिएको भन्दा रु.३००० कम मूल्य रु. ५१,१९९ मा यो मोवाइलफोन खरीद गर्न पाउनेछन्।
रियलमी जिटी नियो २ लाईक्वाल कम स्नापड्रागन ८७० ५जी को मोबाइल प्लाटफर्मले पावर गरेको छ।
यसको लम्बाइ १६२.९ एमएम, चौडाइ ७७५.६ एमएम र उचाइ ८.६ एमएम रहेको छ। क्वालकम स्नापड्रागन ले प्रयोगकर्तालाई सन्तुलित प्रदर्शनसँगै स्थिरताको अनुभव दिने बताएको छ।
यस्तैगरी, थर्मल जेलले यस फोनलाई शितल राख्दछ। रियलमीको इतिहासमै पहिलो पटक रियलमी जिटी नियो २ मा ८ तहका तीन आयामको तापक्रम नियन्त्रण गर्न, ४१२९एमएम स्वाएर क्षेत्रफलमा बाफलाई चिस्याउने खिया नलाग्ने स्टिलको संरचना रहेको छ।
चिस्यान क्षमतालाई विचार गर्दा यसले मूलधारको गेमहरु खेल्न निकै सहयोग गर्ने कम्पनीले आफ्नो विज्ञप्तिमा भनेको छ। एप्लिकेसनहरु र गेमहरु छिटो लोड हुनेछ।
५००० एमएएच् ब्याट्रीले फोनको बनावटलार्ई समर्थन गर्दछ जसले गर्दा बिना दबाब ब्याट्रीको लाइफ लामो बनाउने दाबी छ ।
ब्याट्रीले ६५ वार्ट सुपरडार्ट चार्जिङलाई सपोर्ट गर्ने हुनाले मात्र ३६ मिनेटमा फोन चार्ज हुन्छ। एक पटकको चार्जमा प्रयोगकर्ताले ३३ घण्टा टकटाइम, ८८ घण्टा संगीत, ८ घण्टा गेम र २५ घण्टा भिडियोको मज्जा लिन सक्नेछन्।
यसमा रहेको ट्रिपल क्यामेराले स्पष्ट फोटोहरु दिन्छ। रियलमीकोको स्मार्टफोनमा इ४ डिस्प्ले रहेको छ जसले अचम्मित पार्ने उत्कृष्ट डिस्प्ले प्रदान गर्दछ। यसैगरी ५०००००: १ कन्ट्रास्ट रेसियोले अधिकतम १३०० नीटसम्मको ब्राइटनेस दिन्छ।
नियो जिटीको डिजाइन रियलमी जिटी लाइन अप कै महत्वपूर्ण हाइलाइट हो। यसको नियो ग्रीन रङ्ग प्रविधि र शक्तिको बेजोड संगम मानिन्छ। नेपालका प्रयोगकर्ताहरुलाई अचम्मित पार्न सक्ने नवीन प्रविधि र सुन्दर डिजाइन रियलमी जिटी नियो २ मा पाउन सकिने छ।
रियलमी जीटी नियो २ कार्तिक २५ देखि दराज अनलाइनमा उपलब्ध हुनेछ। इच्छुक ग्राहकले उक्त स्मार्टफोनमा रु.५१,१९९ को शुरुवाती मूल्यमा अग्रीम बुकिङ्ग गर्न र दराजको ११.११ का सुविधाहरु प्राप्त गर्न सक्नेछन्। यस सुविधा अन्तर्गत कार्तिक २८ देखि भाउचर तथा बैँकिङ्ग छुटमा वितरण शुरु हुनेछ तथा अफलाइन ग्राहकले कार्तिक २७ देखि अग्रीमबुकिङ्गगर्न सक्नेछन्। रियलमीनियो जिटी २ नियो ब्लाक र नियो ग्रीन गरी २ रङ्गमा उपलब्ध हुनेछ।
रियलमी एक विश्वव्यापी उदयमान उपभोक्ता प्राविधिक कम्पनी हो जसले अत्याधुनिक प्रविधिहरु सुलभ बनाएर स्मार्टफोन र एलोट बजारमा आफ्नो उपस्थिति जनाइरहेको छ। युवाहरुलाई किफायती मूल्यमा स्मार्टफोन र प्रिमियम विशिष्टताहरु, गुणस्तर र नयाँ प्रवृति निर्माण गर्ने डिजाइनसहितको जीवनशैली प्रविधि उपकरणहरु उपलब्ध गराउँदछ।
२०१८ मा“डेर टु लिप”को नारासहित स्काइली ले स्थापना गरेको रियलमी विश्वको सातौं ठूलो स्मार्टफोन कम्पनी हो। २०२१ को दोस्रो क्वाटरसम्ममा रियलमीले विश्वको ६१ वटा बजारमा आफ्नो उपस्थिति जनाइसकेको छ।
चीन, दक्षिणपूर्वी एसिया, युरोप, रुस, अष्ट्रेलिया, मध्यपूर्व, अफ्रिका र ल्याटिन अमेरिकी राष्ट्रहरुमा १० करोडभन्दा बढी रियलमीको प्रयोगकर्ता छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765273665.jpg)
-1763721444.png)
