मङ्गलम पाइप्सद्वारा नेपाल प्रहरीका प्लम्बर टेक्निसियनलाई तालिम प्रदान

कर्पोरेट

नेपाल लाइभ बुधबार, कात्तिक २४, २०७८ १२:२१

काठमाडौं- युके एडको सहयोगमा यूएनओपीएस र प्रहरी प्रधान कार्यालय भौतिक पूर्वाधार निर्देशानलय नक्सालद्वारा “ट्रेनिंग फर प्लम्बर टेक्निसियन” तालिम कार्यक्रम सञ्चालन गरिएको छ।

विगत केहि हप्तादेखि प्रहरी प्रधान कार्यालय नक्सालमा सञ्चालन हुँदै आइरहेको कार्यक्रममा राम्रा र गुणस्तरिय नेपाली ब्राण्डहरुलाई तालिम प्रदान गर्न गरिएको निमन्त्रणालाई स्वीकार गर्दै मङ्गलम पाइप्सले तालिम प्रदान गरेको हो।

सो ट्रेनिंगमा मङ्गलम पाइप्सले आफ्नो उत्पादनहरुको विषयमा जानकारी तथा प्लम्बरहरुलाई प्लम्बिङ्ग गर्दा आउने समस्याहरु, सामान रोज्दा ध्यान दिनु पर्ने कुरा, प्रेसर टेस्टिंगको आवश्यकता र त्यसको उपयोग गर्ने सही तरिका लगायत सफल प्लम्बर हुनको लागि चाहिने महत्वपुण कुराहरुको विषयमा जानकारी प्रदान गरेको थियो।

कार्यक्रममा मङ्गलम पाइप्सको तर्फबाट मनोहर पौडेलले मङ्गलमको उत्पादन र प्लम्बिङ्ग सम्बन्धि जानकारी दिएका थिए।

तालिम सञ्चालक समितिका को–अर्डिनेटर र सदस्य साथै भौतिक परियोजना प्रहरी कार्यालयको अन्तगर्त प्रशासनिक कार्यमा कार्यरत पुरुषोत्तम माझीले भने “प्रहरीमा आबद्ध भई जागिर गरि रहनु भएको टेक्निसियनहरुको सिप तथा ज्ञानको वृद्धि विकासलाई मध्यनजर गरेर यो कार्यक्रम आयोजना गरिएको हो। यस्तो तालिमको पहिलो पटक आयोजना गरिएको हो र यो सफल भएको छ।”

कार्यक्रमका पर्यवेक्षक एवम् २३ वर्ष देखि प्लम्बिङ्ग क्षेत्रमा आबद्ध साथै २१ वर्ष देखि नेपाल प्रहरीमा कार्यरत भएका ज्ञान चन्द्र पाहा श्रेष्ठले भने, “सीटीईभीटी मा पहिले देखि तालिम पठाउँदा खर्चिलो हुने र खोजेकोे उपलब्धि नपाएको हुनाले पहिलो पटक हामीले यो तालिम यहाँ प्रहरी कार्यालयमा सञ्चालन गरेका हौँ। यस्तो उपलब्धि मुलक कार्यक्रम गर्नाले नयाँ पुराना सबै टेक्निसियनहरुलाई नयाँ प्रबिधि उत्पादनको जानकारी हुन्छ र थप ज्ञान हासिल हुन्छ। मङ्गलमपाइप्सको उत्पादन राम्रो भएको हुनाले म आफैले पनि प्रयोग गर्दै आइरहेको छु साथै यस कार्यक्रमको लागि म निकै उत्साहित पनि छु।”

मङ्गलमइन्डस्ट्रिज प्राइभेट लिमिटेड नेपालको पहिलो सीपीभीसी पाइप र फिटिंग्स् उत्पादक तथा नेपालको पोलीमर पाइपिंग प्रणालीका अग्रणी उत्पादक र नियार्त कर्ता हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौं उपत्यकामा भूकम्पको धक्का

राष्ट्रपतिसमक्ष एकैपटक ५ वटा अध्यादेश सिफारिस

रविलाई आज पनि हिरासतमै पठाउने आदेश